დღეს, 18 მარტს, განათლებისა და მეცნიერების სამინისტროსთან, აგრარული უნივერსიტეტისთვის გაუქმებული ავტორიზაციის აღდგენის მოთხოვნით, სტუდენტების აქცია გაიმართა.
აგრარული უნივერსიტეტის სტუდენტების აქციას, სხვა უმაღლესი სასწავლებლების სტუდენტებიც შეუერთდნენ.
შეგახსენებთ, ორი დღის წინ, განათლების ხარისხის განვითარების ცენტრის ხელმძღვანელმა განაცხადა, რომ აგრარულ უნივერსიტეტში ხარვეზი გამოსწორებულია და ორშაბათიდან ავტორიზაციის პროცესებზე მუშაობა დაიწყებოდა.
სტუდენტები აცხადებენ, რომ აღნიშნული პროცედურები ვადებშია გაწელილი და ითხოვენ დაინიშნოს ავტორიზაციის საბჭოს ახალი სხდომა, რომელიც 12 მარტის გადაწყვეტილებას ბათილად ცნობს.