ევროკავშირისკენ მიმავალი გზა არის საკმაოდ რთულად გასავლელი, - ამის შესახებ, ევროკავშირის წარმომადგენლობის ხელმძღვანელმა საქართველოში, ფილიპ დიმიტროვმა, ევროპის კვირეულის გახსნაზე განაცხადა.
დიმიტროვის თქმით, მისი კოლეგები, რომლებიც თბილისში ჩამოდიან, აღნიშნავენ, რომ დღეს თბილისი არის ევროპული ქალაქი. "უფრო მეტად ევროპულიც, ვიდრე ევროკავშირის წევრი ზოგიერთი ქალაქი".
ევროკავშირის ელჩის თქმით, ევროპის კვირეულის მსგავს ღონისძიებაში ახალგაზრდების ჩართულობა განსაკუთრებით მნიშვნელოვანია.
ევროპის კვირეული დღეს საჯარო ბიბლიოთეკაში გაიხსნა და 11 მაისამდე გაგრძელდება. დღესვე დააჯილდოვეს ესეების, ფოტოებისა და ნახატების კონკურსში გამარჯვებული ახალგაზრდები.
ევროპის კვირეული