მსახიობი ოთარ მეღვინეთუხუცესი დღეს, 9 მაისს, 81 წლის ასაკში გარდაიცვალა. მას არაერთი როლი აქვს ნათამაშები კინოსა და თეატრში. მეღვინეთუხუცესს ყველაზე დიდი აღიარება "დათა თუთაშხიაში" შესრულებულმა მთავარმა როლმა მოუტანა. ოთარ მეღვინეთუხუცესმა ასევე ითამაშა ფილმებში: "კეთილი ადამიანები", "ვედრება", "დიდოსტატის მარჯვენა", "ნატვრის ხე", "თეთრი ბაირაღები" და სხვა.
ის იყო საქართველოს სახალხო არტისტი, საბჭოთა კავშირის სახალხო არტისტი, მიღებული აქვს რუსთაველის სახელმწიფო, კოტე მარჯანიშვილის სახელობის და სხვა პრემიები.
ოთარ მეღვინეთუხუცესი აქტიურ საზოგადოებრივ-პოლიტიკურ ცხოვრებას ეწეოდა.
