სლოვენიაში მიმდინარე ევროპის ჩემპიონატი კალათბურთში საქართველოს ნაკრებმა გამარჯვებით დაიწყო. იგორ კოკოშკოვის გუნდმა პირველივე შეხვედრაში პოლონეთის ძლიერი ნაკრები დიდი სხვაობით - 84:67 დაამარცხა.
უნდა აღინიშნოს, რომ ქართველი კალათბურთელეპი უპირატესობას თავიდანვე ფლობდნენ და პირველი პერიოდი 20:14 მოიგეს, ტაიმი კი 39:22.
ქართველთაგან საუკეთესო მაჩვენებელი ვიქტორ სანიკიძეს ჰქონდა - 23 ქულა და 6 მოხსნა, მანუჩარ მარკოიშვილმა 18 ქულას მოუყარა თავი, გიორგი შერმადინს კი ორმაგ დუბლამდე ერთი მოხსნა დააკლდა, მის ანგარიშზე 13 ქულა და 9 მოხსნაა. კარგი მატჩი ჩაატარა გიორგი ცინცაძემაც, რომელმაც 7 შედეგიან გადაცემას 11 ქულა დაუმატა.
შემდეგ შეხვედრას საქართველოს საკალათბურთო ნაკრები ხვალ, ხორვატიის წინააღმდეგ გამართავს. მატჩი თბილისის დროით 16:30 სთ-ზე დაიწყება და მის პირდაპირ რეპორტაჟს საზოგადოებრივი მაუწყებელი შემოგთავაზებთ.
