გერმანია დღეს ახალ პარლამენტს ირჩევს. სოციოლოგიური გამოკითხვებით, ექსპერტები ბუნდესტაგის არჩევნებში გამარჯვებას მმართველ გუნდს უწინასწარმეტყველებენ, რომელსაც სათავეში ანგელა მერკელი უდგას. მას 45 % უჭერს მხარს.
ანგელა მერკელის გუნდის მთავარ კონკურენტად სოციალ-დემოკრატიული პარტია სახელდება. მასთან ერთად, 622-ადგილიან პარლამენტში მოსახვედრად მემარცხენეები და მწვანეთა პარტიაც იბრძვის. გამოკითხვების მიხედვით, ამ სამ პარტიას მოსახლეობის 44%-იანი მხარდაჭერა აქვს.
