9-10 ნოემბერს მოსკოვში გამართულ საერთაშორისო ტურნირზე ჭიდაობაში - ევროპის ერთა თასზე, საქართველოს თავისუფალი და ბერძნულ-რომაული სტილით მოჭიდავეთა ნაკრებებმა ვერცხლის მედლები მოიპოვეს.
ერთა თასის ფინალში, ბერძნულ-რომაელები თურქეთთან, ხოლო თავისუფლები რუსეთთან ერთნაირი ანგარიშით - 3:4 დამარცხდნენ.
ჯგუფურ ეტაპზე თავისუფალი სტილით მოჭიდავეებმა ბულგარეთს 7:0 სძლიეს, თურქეთი კი 5:2 დაამარცხეს და პირველ ადგილზე გავიდნენ. ბერძნულ-რომაული სტილით მოჭიდავეთა ნაკრებმა კი ბულგარეთი და სომხეთი ერთნაირი ანგარიშით - 5:2 დაამარცხა და ჯგუფში ასევე პირველ ადგილს დაეუფლა.