გორში, საქართველოს ახალგაზრდული ნაკრები ევროპის ჩემპიონატის შესარჩევი ციკლის მატჩში სლოვაკეთთან 1:3 დამარცხდა.
აღსანიშნავია, რომ შეხვედრაში პირველი გოლი ქართველმა ფეხბურთელებმა გაიტანეს, თუმცა უპირატესობის შენარჩუნება ვერ შეძლეს.
21-ე წუთზე ჰოლანდიური ვიტესის ფეხბურთელმა ვაკო ყაზაიშვილმა შესანიშნავი სოლო-რეიდი ზუსტი დარტყმით დააგვირგვინა. 4 წუთში ანგარიში გათანაბრდა - კაროლ მოსაროშის დარტყმის მოგერიება გიორგი ნადირაძემ ვერ მოახერხა.
62-ე წუთზე, ონდრეი დუდამ სლოვაკთა უპირატესობა ორ ბურთამდე გაზარდა. საბოლოოდ ქართველი ფეხბურთელები 1:3 დამარცხდნენ. მესამე გოლი ნადირაძის კარში შრანცმა გაიტანა.
ამ მარცხით, ალექსანდრე ჩივაძის გუნდს ჯგუფიდან გასვლის შანსები ფაქტობრივად აღარ დარჩა.