თვითმმართველობის კოდექსი

უსუფაშვილი: სეპარატიზმი როგორ უნდა გაღვივდეს, არ მესმის

David Usupashvili
Tabula

საკონსულტაციო საბჭოს წევრები შეიკრიბებიან ხოლმე გუბერნატორთან და ამან როგორ უნდა გააღვივოს სეპარატიზმი, არ მესმის. ამის შესახებ საქართველოს პარლამენტის თავმჯდომარემ დავით უსუფაშვილმა რუსთავი 2-ის ეთერში განაცხადა.

უსუფაშვილის თქმით, 15 წელზე მეტია ქვეყანაში არსებობს ქვემო ქართლის გუბერნატორი, სამცხე-ჯავახეთის გუბერნატორი, კახეთის, მცხეთა-მთიანეთის. "სულ არსებობდა და ახლაც არსებობს. სამცხე-ჯავახეთშიც ყველაფერი რჩება როგორც იყო - ერთადერთი, ახალციხე როგორც ქალაქი გამოიყოფა თვითმმართველ ქალაქად. საკონსულტაციო საბჭოს წარმომადგენლები გადაწყვეტენ სოფლებს და რაიონებს შორის არსებულ საკითხებს - მაგალითად, სარწყავი არხის ან გზის გაყვანა და ა.შ." - აღნიშნა უსუფაშვილმა. მისი თქმით, ამ კოდექსის მიხედვით, "2017 წლამდე უნდა მოგვარდეს მიწის თემა. მთავრობამ უნდა გააკეთოს ის, რაც არ გაკეთებულა დღემდე 25 წელია: აღრიცხოს მიწა, დაარეგისტრიროს და მერე მთავრობამ მიიღოს გადაწყვეტილება, რა მიწას აძლევს მუნიციპალიტეტს, საკრებულოს. საზღვრები აუცილებლად დასადგენია". მისივე თქმით, თუ აიკრძალება სასოფლო-სამეურნეო მიწის ყიდვა-გაყიდვა, ვერც მუნიციპალიტეტი გაყიდის, ვერც სახელმწიფო და ვერც კერძო პირი. "სადაც ნებადართულია, იქ, ადგილობრივი უკეთ გადაწყვეტს რა მიწა გაყიდოს და ვის მიყიდოს", - თქვა უსუფაშვილმა.

როგორც პარლამენტის თავმჯდომარემ აღნიშნა, კოდექსის ვარიანტი ვენეციის კომისიაში უკვე გაგზავნილია.

კომენტარები