არასამთავრობო ორგანიზაცია თავისუფალი ზონის ორ წევრს, დავით გოგოხიასა და ფარნაოზ ჭკადუას, თბილისის საქალაქო სასამართლომ 400-400 ლარიანი ჯარიმა დააკისრა. კიდევ ორმა აქტივისტმა - ბესო კალაძემ და სალომე მახარაშვილმა, სიტყვიერი გაფრთხილება მიიღეს. დაკავებულებს პოლიციისთვის წინააღმდეგობის გაწევა ედებოდათ ბრალად.
თავისუფალი ზონის წევრები საპატრულო პოლიციამ გუშინ სასტუმრო ვერე პალასთან დააკავა, სადაც ისინი „სახალხო მოძრაობა ქართულ-რუსული დიალოგის" შეხვედრას აპროტესტებდნენ.
