სახალხო დამცველის აპარატის საზოგადოებასთან ურთიერთობის დეპარტამენტს ანი თამაზაშვილი უხელმძღვანელებს.
ომბუდსმენის აპარატის ცნობით, ანი თამაზაშვილი დაიბადა 1984 წელს, დამთავრებული აქვს ივანე ჯავახიშვილის სახელობის თბილისის სახელმწიფო უნივერსიტეტის ტელე–რადიო ჟურნალისტიკის ფაკულტეტი. 2009 წლიდან 2013 წლის 31 დეკემბრამდე მუშაობდა ტელეკომპანია მაესტროს საინფორმაციო განყოფილებაში ჟურნალისტად.
