ქართველმა მოციგურავე ელენე გედევანიშვილმა სოჭის ზამთრის ოლიმპიურ თამაშებზე გამოსვლა მე-19 ადგილზე დაასრულა. გედევანიშვილმა ორი პროგრამის ჯამში 147,15 ქულა მოაგროვა.
თავისუფალ პროგრამაში ქართველს მსაჯებისგან 92,45 ქულა ერგო. პროგრამაში მოციგურავემ 53,60 ქულა მიიღო, ტექნიკურ კომპონენტებში კი - 39,85.
ოლიმპიადის გამარჯვებული 224,59 ქულით რუსი ადელინა სოტნიკოვა გახდა.
შეგახსენებთ, რომ ოლიმპიურ თამაშებზე 21 თებერვალს ქართველთაგან სლალომში ნინო წიკლაური გამოვა, 22 თებერვალს კი ალექსანდრე ბენიანიძე და იასონ აბრამაშვილი სლალომში მოსინჯავენ ძალებს.
