„ორი წინადადებით თუ შევძლებ გიპასუხოთ, ჩვენ ამ ეტაპზე რაიმე ღია დაპირისპირებას არ ვაფიქსირებთ, რომელიც შეიძლება რუსეთის ფედერაციასთან არსებობდეს. რუსეთის ფედერაციისგან ღია საფრთხეს არ ვხედავთ“, - თქვა საქართველოს პრეზიდენტმა გიორგი მარგველაშვილმა ჟურნალისტებთან საუბარში.
პრეზიდენტი საფრთხეების დაძლევის გზების შესახებაც საუბრობს. „საქართველოში მეტი სტაბილურობა და საგარეო პოლიტიკაში უფრო ერთიანი პოზიცია უნდა იყოს“, - აღნიშნავს მარგველაშვილი. საქართველოს პრეზიდენტი მიიჩნევს, რომ შიდა სტაბილურობა არის საკითხი, რომელიც ყველას აღელვებს. „ჩვენ ამ თვალსაზრისით რაიმე შემაშფოთებელი აქცენტი არ გვაქვს, მაგრამ მისი შენარჩუნება განსაკუთრებით მნიშვნელოვანი გადაწყვეტილების წინ არის მნიშვნელოვანი“, - მიიჩნევს პრეზიდენტი.
