კოალიცია ქართული ოცნება მერობის კანდიდატთა პრეზენტაციას 26 აპრილს გამართავს, - ამის შესახებ მთავრობის ადმინისტრაციაში პრემიერსა და კოალიციის პოლიტსაბჭოს წევრებს შორის გამართული შეხვედრის შემდეგ ენერგეტიკის მინისტრმა კახა კალაძემ თქვა.
კალაძის ინფორმაციით, კოალიციაში საკრებულოების მაჟორიტარი კანდიდატებიც შეთანხმებულია. როგორც მან აღნიშნა, გამგებლობის კანდიდატთა შესახებ მსჯელობა გრძელდება.
ადგილობრივი თვითმმართველობის არჩევნები 15 ივნისს გაიმართება.
