მთლიანობაში დავით კოდუას მდგომარეობა დამაკმაყოფილებელია, პაციენტი შედარებით გამარტივებული რეჟიმით, მართვით სუნთქვაზე რჩება, - ამის შესახებ ექიმმა კოტე მუმლაძემ თქვა.
„სამკურნალო-დაცვითი ნარკოზი და მკურნალობა გრძელდება. პაციენტი ამ ეტაპზე ქირურგიულ ჩარევას არ საჭიროებს“, - დასძენს ექიმი.
დავით კოდუა ინგოროყვას სახელობის საუნივერსიტეტო კლინიკის რეანიმაციაშია მოთავსებული. რეანიმაციულ განყოფილებაში მოთავსებამდე მას ცხვირის ძვლის ქირურგიული ოპერაცია ჩაუტარდა. ექიმის თქმით, კოდუას სახეზე სხვა მოტეხილობებიც აღენიშნებოდა.
შსს-მ დავით კოდუას ცემის ფაქტზე ერთი პირი დააკავა.
