შემოსავლების სამსახურის განცხადება

შემოსავლების სამსახური: მოვაჭრეები შეცდომაში შეჰყავთ და გადასახადებს იღებენ

0 კომენტარი

შემოსავლების სამსახურის ინფორმაციით, ბაზრობების ტერიტორიაზე უწყების სახელით მოვაჭრეების შეცდომაში შეყვანა და მათგან გადასახადის ამოღება ხდება.

შემოსავლების სამსახური სპეციალურ განცხადებას ავრცელებს, რომელშიც მოქალაქეებს მოუწოდებს, უწყების სახელით მათთან მისულ პირებს შესაბამისი სამსახურის დამადასტურებელი მოწმობა მოსთხოვონ.

"შემოსავლების სამსახურისათვის ცნობილი გახდა, რომ ბოლო პერიოდში ბაზრობების ტერიტორიებზე როგორც თბილისში, ასევე რეგიონებში, დაუდგენელი პირები მოვაჭრეებს თავს შემოსავლების სამსახურის თანამშრომლებად აცნობენ და მათგან გადასახადის გადახდას ითხოვენ.

შემოსავლების სამსახურის სახელით მოგმართავთ, იმისათვის, რომ არც ერთი ამგვარი ქმედება არ დარჩეს შესაბამისი რეაგირების გარეშე, პირისგან, რომელიც გადასახადის გადახდას მოგთხოვთ, მოითხოვეთ შემოსავლების სამსახურის თანამშრომლის დამადასტურებელი მოწმობა. უარის შემთხვევაში, ფაქტის შესახებ დაუყოვნებლივ აცნობეთ შემოსავლების სამსახურის ცხელ ხაზზე: +995 32 2 299 299, მიმართეთ უახლოეს სერვისცენტრს ან მოგვწერეთ www.info.rs.ge", - წერია განცხადებაში.

ახალი ვიდეო მეტი ვიდეო

შსს-მ 10 შეკვრა ჰეროინი ამოიღო და ნარკოდანაშაულისთვის 5 პირი დააკავა (ვიდეო)

კომენტარები