საქართველოს პრეზიდენტის მრჩეველმა საგარეო ურთიერთობათა საკითხებში ივანე მაჭავარიანმა თანამდებობა დატოვა. შესაბამისი განკარგულება პრეზიდენტის ადმინისტრაციის ვებგვერდზე ცოტა ხნის წინ გამოქვეყნდა.
"გათავისუფლდეს ივანე მაჭავარიანი საქართველოს პრეზიდენტის მრჩევლის - საგარეო ურთიერთობათა მდივნის თანამდებობიდან 2014 წლის 13 ივნისიდან საკუთარი ინიციატივით, საჯარო სამსახურის შესახებ საქართველოს კანონის 95-ე მუხლის საფუძველზე" - ნათქვამია განკარგულებაში, რომელსაც ხელს გიორგი მარგველაშვილი აწერს.
აღსანიშნავია, რომ სწორედ ვანო მაჭავარიანის თანამდებობაზე დანიშვნა იყო ერთ-ერთი მიზეზი, რის გამოც, ყოფილმა პრემიერმა ბიძინა ივანიშვილმა გიორგი მარგველაშვილი გააკრიტიკა.
ამასთან, დღეს თანამდებობა დატოვა პრეზიდენტის ადმინისტრაციის უფროსმა ლაშა აბაშიძემაც. მისი თქმით, გადაწყვეტილება საკუთარი ნებით, გიორგი მარგველაშვილთან შეთანხმებით მიიღო.