ერთიანი ნაციონალური მოძრაობის ინფორმაციით რამდენიმე საარჩევნო უბანზე დაფიქსირებულია დარღვევა.
წალენჯიხის (25-ე, 26-ე უბნები) და გარდაბნის (55-ე უბანი) საარჩევნო უბნებთან აქტივისტები ქართული ოცნების მაისურებით დგანან - ნათქვამია ენმ-ს განცხადებაში.
მათი ინფორმაციით, წალენჯიხის გამგეობის ზედამხედველობის სამსახურის თანამშრომელი, ლევან კვარაცხელია, უბნებზე ქართული ოცნების მაისურით დადის.
განცხადებაში ასევე ნათქვამია, რომ წალენჯიხის 25-ე უბნის გარშემო ხალხის დიდი რაოდენობაა და არსებობს უბნის ჩაშლის საშიშროება.