ორგანიზაცია „იარე ფეხით" შვეიცარიის საელჩოს მხარდაჭერით ქართულ საზოგადოებას ერთთვიანი პროექტით ქვეითთა უფლებებს შეახსენებს. პროექტის მთავარი მიზანია დიალოგის წამოწყება თბილისში ქვეითთა უფლებების დაცვისა და ფეხით სასიარულო ზონების გაუმჯობესების შესახებ.
დღეს, 1 ივლისს, ორგანიზაციამ პეკინი-მიცკევიჩის კუთხეში ფეხით სიარულის თემაზე ქვეითთა არტპროექტი გახსნა. „ზებრა გადასასვლელებს" შორის მდებარე ბანერზე, პროექტის ერთ-ერთი გამარჯვებული არტისტის, ნატო ბაგრატიონის ინსტალაცია "მწვანე კედელი" გამოფინეს. ღონისძიებაზე დარიგდა საგანმანათლებლო, საინფორმაციო ბროშურები ქვეითთა უფლება-ვალდებულებების შესახებ. პროექტის ფარგლებში კიდევ ორი ღონისძიება იგეგმება.
4 ივლისს 18:00-ზე ვაკის პარკში ინსტალაცია "BLACK" გაიხსნება, რომლის ავტორიც ქიტო ჩხაიძეა. დაუკრავს ჯგუფი Lady Heroine (სოლო LIVE კონცერტი ახალი პროგრამით). 5 ივლისს კი, 16:00-ზე, უნივერსიტეტის ქუჩაზე, ინსტალაცია "ჩემი ფეხები" გაიხსნება, რომლის ავტორიც ნიკა ქუთათელაძეა.