თბილისის დინამოს 19 წლამდე ფეხბურთელთა გუნდმა გერმანიაში მიმდინარე საერთაშორისო შეჯიბრის, რურის თასის ფინალში სტამბულის გალათასარაი დაამარცხა.
მატჩის სათამაშო დროის ანგარიშით 1:1 დასრულების შემდეგ, კახი გოგიჩაიშვილის შეგირდებმა მეტოქეს პენალტების სერიაში 3:2 სძლიეს და პრესტიჟულ ტურნირში გამარჯვება იზეიმეს.
დინამოსა და გალათასარაის გარდა, რურის თასზე დორტმუნდის ბორუსიის, ბენფიკას, ოლიმპიაკოსის, ვოლსბურგის, ვესტ ჰემის, მაქაბის, შალკესა და მიუნხენგლადბახის ბორუსიის ახალგაზრდა ფეხბურთელები ასპარეზობდნენ.