ამ ეტაპზე თბილისს და მთლიანად საქართველოს ელექტროენერგია სრულად მიეწოდება -სისტემა მთელი დატვირთვით მუშაობს - ამის შესახებ განცხადებას საქართველოს ენერგეტიკის სამინისტრო ავრცელებს.
განცხადებაში ასევე დეტალურად არის აღწერილი დაზიანების მასშტაბები.
ავარიულად გაითიშა მაღალი ძაბვის 500 კვტ-იანი ელექტროგადამცემი ხაზი „იმერეთი“ და 220 კვტ-იანი ელექტროგადამცემი ხაზი კოლხიდა-2. დაზიანებულია ხაზი „პალიასტომი-1“ - წერია სამინისტროს განცხადებაში. მათივე ცნობით ადილზე გასულია საქრუსენერგოს და საქართველოს ელექტრო სისტემის ბრიგადები.
შეგახსენებთ, რომ ელექტროგადამცემი ხაზების დაზიანების გამო საქართველოს მასშტაბით 22:30 საათიდან შეწყვეტილი იყო ელექტროენერგიის მიწოდება.
