ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა ალექსი პეტრიაშვილმა გაცნობითი ხასიათის შეხვედრა გამართა კანადის ელჩთან (რეზიდენციით ანკარაში) ჯონ ჰოლმსთან. კანადის ელჩმა ხაზგასმით დაადასტურა საქართველოს NATO-ში გაწევრიანების მხარდაჭერა.
შეხვედრაზე მხარეებმა განიხილეს საქართველოს NATO-ში ინტეგრაციისა და უელსის სამიტისთვის მზადების პროცესი.
პეტრიაშვილმა და ჰოლმსმა, ასევე, რეგიონში მიმდინარე მოვლენები, უსაფრთხოების გამოწვევები და საქართველოს ოკუპირებულ ტერიტორიებზე არსებული მდგომარეობა განიხილეს.
შეგახსენებთ, რომ კანადა NATO-ს წევრი ქვეყნებიდან პირველია, რომელმაც რუსეთს სექტორული სანქციები დაუწესა.
