სოფლის მეურნეობის სამინისტროს გაერთიანებული სამელიორაციო სისტემების კომპანია ფერმერებსა და გლეხებს აფრთხილებს, რაციონალურად გამოიყენონ სარწყავი წყალი, რადგან გვალვის გამო რესურსები შეზღუდულია.
პირველ რიგში, მნიშვნელოვანია მრავალწლიანი კულტურების გადარჩენა, - ნათქვამია სამინისტროს განცხადებაში.
სამინისტრო მოუწოდებს ფერმერებს, დაიცვან წყლის სამართლიანი გადანაწილების პრინციპი და არ დაუშვან წყლის დატაცება და სამელიორაციო ინფრასტრუქტურის დაზიანება.
