სადახლოს საბაჟო-გამშვებ პუნქტზე საქართველოსა და სომხეთის მთავრობების მხარდაჭერით ხიდი აშენდება, - ამის შესახებ პრემიერმა ღარიბაშვილმა და სომხეთის პარლამენტის თავმჯდომარე გალუსტ საჰაკიანმა ღარიბაშვილის ოფიციალური ვიზიტის ფარგლებში ისაუბრეს.
საბაჟო-გამშვებ პუნქტზე დამაკავშირებელ ნაგებობას "მეგობრობის ხიდი" დაერქმევა.
მზად ვართ, საქართველოსა და სომხეთის ურთიერთობები კიდევ უფრო გავაღრმაოთ - აღნიშნა საქართველოს პრემიერმინისტრმა სომხეთის პარლამენტის თავმჯდომარესთან საუბრისას.
ირაკლი ღარიბაშვილისა და გალუსტ საჰაკიანის შეხვედრას საქართველოს დელეგაციის წევრები და სომხეთის საკანონმდებლო ორგანოს დეპუტატებიც დაესწრნენ, მათ შორის იყო ეკონომიკის მინისტრი გიორგი კვირიკაშვილიც.
