მესტიის პოლიციის უფროსმა სამარღანიშვილმა და მისმა მოადგილემ ორი პოლიციელი ცემეს - ამის შესახებ ტაბულას წყარომ აცნობა. წყაროს ინფორმაციით, ნაცემი პოლიციელები ყორშია და ჭანტურია ჯერ მესტიის პოლიციის განყოფილებაში იყვნენ გამოკეტილები, ამ დროისთვის კი ისინი სხეულის დაზიანებებით მესტიის საავადმყოფოში გადაიყვანეს.
ტაბულა შსს-ს პრესსამსახურს დაუკავშირდა, სადაც განაცხადეს, რომ ამის შესახებ არაფერი იციან და კომენტარს სიტუაციაში გარკვევის შემდეგ გააკეთებენ.
