NATO-ს უელსის სამიტი ოფიციალურად გაიხსნა

უელსში NATO-ს სამიტი გაიხსნა. სამიტი გენერალურმა მდივანმა ანდერს ფოგ რასმუსენმა მისასალმებელი სიტყვით გახსნა.

გენერალურმა მდივანმა ხაზი გაუსვა NATO-ს მიერ მსოფლიო მშვიდობის წინაშე დამსახურებას და აღნიშნა, რომ მსოფლიოს სხვადასხვა წერტილში, კოსოვოდან სომალიმდე, ბალტიისპირეთიდან ხმელთაშუა ზღვამდე NATO დაახლოებით 55 000-იანი კონტინგენტითაა წარმოდგენილი.

რასმუსენმა მიმართა სამხედრო პირებს და მათ მიერ გაწეული სამსახურისთვის მადლობა გადაუხადა.  

გენერალურმა მდივანმა ასევე მადლობა გადაუხადა სამიტის ორგანიზატორებს და გაერთიანებული სამეფოს პრემიერს დევიდ კამერონს სამიტის მასპინძლობისთვის.