საქართველოს პარლამენტი ნაფიც მსაჯულთა ინსტიტუტის სრულფასოვანი ამოქმედების 2016 წლამდე გადავადებაზე მსჯელობს. კანონპროექტის ინიციატორი იუსტიციის სამინისტროა. ინიციატორების განმარტებით, ნაფიც მსაჯულთა ინსტიტუტის ამოქმედებისთვის მოსამართლეები მოუმზადებლები არიან და ფინანსებიც არასაკმარისია.
კანონპროექტს საპარლამენტო უმცირესობა ეწინააღმდეგება. დეპუტატ გიორგი კანდელაკის თქმით, "ქართულ ოცნებას დიდი ხანია ერთი ხრიკი დასჩემდა - მნიშვნელოვან მავნებლურ კანონებს დღის ბოლოსთვის გამოიტანენ ხოლმე, რათა იმ დღის ახალ ამბებში - რომლებიც უკვე აწყობილია - ნაკლებად მოხვდეს". როგორც კანდელაკი facebook-ში წერს, "ივანიშვილის რეჟიმი ნაფიც მსაჯულებს - როგორც ხალხის არასანდო მონაწილეობას მართლმსაჯულებაში - ფაქტიურად თავიდან იშორებს".
დეპუტატის იხსენებს, რომ ერთი წლის წინ, იუსტიციის სამინისტრო აპირებდა ნაფიცი მსაჯულების ყოფილი თანამდებობის პირთა საქმეებზე განვრცობას.
"მაშ რა შეიცვალა ამ წელიწადში? სწორია - დამოკიდებულება ივანიშვილის რეჟიმის მიმართ. კიდევ ერთი კრისტალური ლუსტრირება იმისა, რომ ისეთი ტერმინები, როგორიცაა „კანონის უზენაესობა“ და „დამოუკიდებელი სასამართლო“, ქართული ოცნების მთავრობისთვის მხოლოდ ჰაერია და მეტი არაფერი" - აღნიშნავს კანდელაკი.
