მედიის თავისუფლების ინდექსით საქართველო აღმოსავლეთ პარტნიორობის ქვეყნებს შორის ლიდერობას ინარჩუნებს. მას მოლდოვა მოჰყვება. უკრაინამ კი, პოზიცია გაიუმჯობესა, სომხეთს გაუსწრო და მესამე ადგილი დაიკავა.
აზერბაიჯანმა და ბელარუსმა მე-4 და მე-5 ადგილები გაინაწილეს. კვლევა 2014 წლის პირველი კვარტლის მონაცემებს მოიცავს. იგი ორგანიზაცია ინტერნიუსი - უკრაინამ აღმოსავლეთ პარტნიორობის დანარჩენი ხუთი ქვეყნის ორგანიზაციებთან თანამშრომლობით ჩაატარა.
მედიის თავისუფლების ინდექსი კვარტალში ერთხელ შემდეგი კრიტერიუმებით დგება: პოლიტიკური კონტექსტი, პრაქტიკა, სამაუწყებლო, ინტერნეტ და ახალი მედიის მდგომარეობა ქვეყანაში. კვლევის ფარგლებში 60 ექსპერტი გამოიკითხა.
საქართველო 2013 წლის ბოლო კვარტლის მონაცემებითაც პირველ ადგილზე იყო.