გერმანული ავიაკომპანია Lufthansa-ს პილოტებმა ორდღიანი გაფიცვა გამოაცხადეს. პილოტები პენსიაზე ვადაზე ადრე გასვლის უფლების გაუქმებას აპროტესტებენ, ასევე ხელფასების გაზრდას ითხოვენ. გაფიცვა ყველა რეისს შეეხება, რომლებიც Airbus A320-ის და ბოინგ 737 ტიპის თვითმფრინავებით სრულდება.
სულ 1500-ზე მეტი რეისი გაუქმდა, რის შედეგადაც 200 000-ზე მეტი მგზავრი დაზარალდება. მფრინავთა პროფკავშირმა მგზავრებს შექმნილი დისკომფორტისთვის ბოდიში მოუხადა.