Transparency International ყოველწლიურად მსოფლიოს კორუფციის ინდექსს აქვეყნებს, რომელშიც ქვეყნები 0-100 მდე შკალით არიან შეფასებული. ინდექსის მიხედვით კორუფციისგან სრულიად თავისუფალი ქვეყანა არ არსებობს. განსაკუთრებით კორუმპირებული ქვეყნების სიაში მოხვდნენ ქვეყნები სადაც სოციალური და პოლიტიკური არასტაბილურობაა, კორუფცია ასევე იმ ქვეყნებშიც არის გავრცელებული, რომლებშიც ტოტალიტარული და დიქტატურული მმართველობაა.
ყველაზე კორუმპირებული ქვეყნების სია კი ასე გამოიყურება:
- სომალი
- ჩრდილოეთ კორეა
- ავღანეთი
- სუდანი
- სამხრეთ სუდანი
- ლიბია
- ერაყი
- უზბეკეთი
- თურქმენეთი
- სირია
ეკონომისტების შეფასებით სხვადასხვა სახის დანაშაულით, მათ შორის კორუფციით მოპოვებული თანხის რაოდენობა მსოფლიო ეკონომიკის 10%-15%-ს შეადგენს. ეკონომიკაში კორუფციის კონკრეტული წილის დადგენა პრაქტიკულად შეუძლებელია, რადგნაც ამ გზით მოპოვებული ფინანსები არარეგისტრირებულია.
ჩრდილოეთ კორეა მმართველობის სრული გაუმჭვირვალობისა და კანონის უზენაესობაში არსებული სერიოზული პრობლემების გამო ყველაზე კორუმპირებული ქვეყნების ათეულში ყოველთვის ხვდება.
კორუმპირებული ქვეყნების სიაში თურქმენეთის მოხვედრა Heritage Foundation-ის ცნობით ქვეყანაში მმართველობის სისტემის გაუმჭვირვალობას და სუსტად განვითარებულ კანონის უზენაესობას უკავშირდება.სიაში შემდეგ ადგილზე თურქმენეთის მეზობელი უზბეკეთი მოდის, რომელსაც ანალოგიური ხასიათის პრობლემები აქვს.
კორუფციის მაღალი დონე იმ ქვეყნებშია, სადაც საბანკო სისტემები ცუდად არის განვითარებული. 2012 წელს ავაღანეთის უმსხვილესი ბანკი Kabul Bank-ი მსხვილ ფინანსურ მაქინაციებში ამხილეს, ბანკს მოსახლეობის კუთვნილი $800 მილიონის მისაკუთრებაში ედება ბრალი.
მსოფლიოს ყველაზე კორუმპირებული ქვეყნის წოდება კი სომალის ეკუთვნის. Heritage Foundation-ის ცნობით ქვეყანაში მნიშვნელოვანი ფინანსური პრობლემებია, ქვეყნის ბიუჯეტის შემოსავლები ყოველწლიურად 70%-ზე მეტით არის გარღვეული. სომალიში სხვა სახის პრობლემებიცაა, განსაკუთრებული სირთულე კანონის უზეონაესობის მხრივაა ქვეყანაში სახელმწიფო კონტროლი ტერიტორიის მნიშვნელოვან ნაწილზე ვერ ვრცელდება. სომალი მსოფლიოს ერთ-ერთი ყველაზე ღარიბი ქვეყანაცაა, სადაც მშპ ერთ სულ მოსახლეზე $600-ს შეადგენს.
საქართველო აღრიცხული 177 ქვეყნიდან 55 ადგილზე გავიდა.
მსოფლიოში ყველაზე არაკორუმპირებული ქვეყნის წოდება კი თანაბარი 91 ქულით ორმა ქვეყანამ დანიამ და ახალმა ზელანდიამ გაინაწილეს.
