თბილისის საკრებულოს გადაწყვეტილებით, ქაქუცა ჩოლოყაშვილის და ბოგდან ხმელინცკის ქუჩის ნაწილს (ისნის რაიონი) ბერი გაბრიელის სახელი დაერქვა, ხოლო ქაქუცა ჩოლოყაშვილის სახელი კი, იპოდრომთან არსებულ ერთ-ერთ უსახელო ქუჩას.
როგორც ნავთლუღის მაჟორიტარმა დეპუტატმა ზურაბ ნეფარიძემ აღნიშნა, ქუჩისთვის ბერი გაბრიელის სახელის მინიჭების თხოვნით მას 3 ათასზე მეტმა ადამიანმა მიმართა.
"მოსახლეობას წინასაარჩევნოდ დავპირდი, რომ ქუჩას, სადაც ბერი გაბრიელი ცხოვრობდა მის სახელს მივანიჭებდით. უწმინდესი და უნეტარესი, სრულიად საქართველოს კათოლიკოს-პატრიარქის ლოცვა-კურთხევითა და საკრებულოს დახმარებით დღეს ისნის რაიონში ბერი გაბრიელ სალოსის სახელობის გამზირი არსებობს, მალე კი აქ ტაძარიც აშენდება“,- განაცხადა ზურაბ ნეფარიძემ.
შეგახსენებთ, რომ მართლმადიდებელი ეკლესია დღეს ბერი გაბრიელ სალოსის ხსენების დღეს აღნიშნავს.
