უკრაინის ცენტრალურმა საარჩევნო კომისიამ 26 ოქტომბრის ვადამდელი საპარლამენტო არჩევნების შედეგები პროპორციული სისტემით საბოლოოდ დაამტკიცა. პარტიული სიებით 64 ადგილი რადაში პრემიერ იაცენიუკის სახალხო ფრონტმა მოიპოვა, ერთი ადგილით ნაკლები - პრეზიდენტ პოროშენკოს ბლოკმა. 27, 22 და 17 ადგილი შესაბამისად, სამოპომიჩს, რადიკალურ პარტიას და იულია ტიმოშენკოს ბატკივშჩინას ერგოთ.
მაჟორიტარული მანდატების ჩათვლით, წინასწარი ვერსიით, ყველზე მეტ ადგილს რადაში - 132-ს, პოროშენკოს ბლოკი მოიპოვებს, პროპორციული სისტემით პირველ ადგილზე გასული იაცენიუკის პარტია კი - მხოლოდ 82-ს. სულ რადაში 423 დეპუტატი იქნება. მოლაპარაკება კოალიციის შექმნის შესახებ პოროშენკოს ბლოკს, სახალხო ფრონტსა და სამოპომიჩს შორის მიმდინარეობს.
