სოფლის მეურნეობის მინისტრი ოთარ დანელია რესპუბლიკურ საავადმყოფოში მივიდა, სადაც თავის ტრავმით მისი მოადგილე დავით გალეგაშვილი იმყოფება. ამის შესახებ ტაბულას კორესპონდენტი იუწყება.
სამინისტროს პრესსამსახურის ცნობით, დავით გალეგაშვილმა ტრავმა წაქცევის შედეგად მიიღო და ამჟამად კომაშია. სააგენტო ინტერპრესნიუსთან საუბრისას უწყებამ უარყო გავრცელებული ინფორმაცია იმის შესახებ, რომ დავით გალეგაშვილი ნაცემია.
