ურუგვაის საპრეზიდენტო არჩევნებში ექსპრეზიდენტმა ტაბარე ვასკესმა გაიმარჯვა.
მემარცხენე კოალიციის წევრმა, პროფესიით ონკოლოგმა ვასკესმა ხმათა 53% მიიღო და მემარჯვენე პარტიიდან ოპონენტი დაამარცხა.
ურუგვაის მემარცხენე კოალიცია ცნობილია ისეთი რეფორმებით, როგორიცაა მარიხუანისა და ერთსქესიანთა ქორწინების ლეგალიზაცია.
ახლადარჩეულმა პრეზიდენტმა ამჯერად უსაფრთხოების, ჯანდაცვისა და განათლების პრობლემების გადაჭრა დაისახა მიზნად.