საქართველოს პრეზიდენტი დღეს საყდრისის გადარჩენის კომიტეტის წევრებს შეხვდა. პრეზიდენტის ადმინისტრაციის ინფორმაციით, გიორგი მარგველაშვილმა მოისმინა მათი არგუმენტები ოქროს მაღაროში სამუშაოების შეჩერების, აღნიშნული ობიექტის ისტორიული დეტალებისა და სამართლებრივი დარღვევების თაობაზე.
"ქვეყნის პირველი პირი ბოლნისის რაიონის მოსახლეობის მდგომარეობითაც დაინტერესდა და კომიტეტის წევრებს საკუთარი მოსაზრება გააცნო. როგორც მან აღნიშნა, აუცილებელია ქვეყნის კულტურული მემკვიდრეობის და, შესაბამისად, საკუთარი იდენტობის დაცვა. პრეზიდენტის განცხადებით, ყველა ვალდებულია დაელოდოს სასამართლო პროცესის დასრულება, მანამდე კი, ფართომასშტაბიანი სამუშაოების წარმართვა მას დაუშვებლად მიაჩნია",-იუწყება პრეზიდენტის ადმინისტრაცია.
