სტამბოლის ცენტრში საპროტესტო აქცია გაიმართა. აქციის მონაწილეები სომეხი ჟურნალისტის გრანტ დინკის მკვლელობიდან 8 წლისთავის აღსანიშნავად შეიკრიბნენ. აქციაზე პოლიციამ 20-მდე დემონსტრანტი დააკავა.
გრანტ დინკი სომხური წარმოშობის თურქი ჟურნალისტი იყო, რომელიც ხშირად აკრიტიკებდა თურქეთის ხელისუფლებას სომეხთა გენოციდის უარყოფის გამო. დინკი უამრავ მუქარას იღებდა თურქი ნაციონალისტებისგან. საბოლოოდ კი, ის 2007 წლის იანვარში მოკლეს. მკვლელობაში ბრალდებულს სასამართლომ სამუდამო პატიმრობა მიუსაჯა, თუმცა ბევრი ირწმუნება, რომ მკვლელობაში თურქეთის ხელისუფლების ხელი ერია.
2010 წელს, ევროპის ადამიანის უფლებათა დაცვის სასამართლომ აღიარა, რომ თურქეთის ხელისუფლებამ ვერ შეძლო გრანტ დინკის დაცვა. ევროსასამართლომ მაშინ მკვლელობის საქმის გამოძიების მსვლელობაც გააკრიტიკა.
