პარლამენტის რიგგარეშე სხდომა კვორუმის არარსებობის გამო ჩაიშალა. სხდომის ჩასატარებლად პლენარულ სხდომათა დარბაზში მინიმუმ 76 დეპუტატის დასწრება იყო საჭირო, თუმცა პირველ ჯერზე რეგისტრაცია პარლამენტის 42-მა წევრმა, მეორედ - 41-მა, მესამედ კი - 42-მა წევრმა გაიარა. რეგლამენტის შესაბამისად, ვიცე-სპიკერმა მანანა კობახიძემ, რომელიც სხდომას ხელმძღვანელობდა, ის ჩაშლილად გამოაცხადა.
სხდომა საპარლამენტო უმცირესობის ინიციატივით იყო მოწვეული. დეპუტატებს მასზე ქვეყანაში შექმნილ მძიმე ეკონომიკურ კრიზისსა და მისი დაძლევის გზებზე უნდა ემსჯელათ.
