ამერიკელი სამხედროები უკრაინელი ჯარისკაცების წვრთნას 20 აპრილიდან დაიწყებენ - ამის შესახებ ქვეყნის შინაგან საქმეთა მინისტრმა არსენ ავაკოვმა განაცხადა. ამერიკის 173-ე საჰაერო სადესანტო ბრიგადის 290 ინსტრუქტორი ლვოვის ოლქში გრძელვადიან მანევრებს უკრაინის ეროვნულ გვარდიასთან ერთად დაიწყებს.
მინისტრის ცნობით, ამერიკელი სამხედროების მისია ექვს თვეს გაგრძელდება. მანამდე უკრაინაში 75 სამხედრო ინსტრუქტორი დიდმა ბრიტანეთმა მიავლინა.
