თავისუფალი დემოკრატები პრემიერმინისტრ ირაკლი ღარიბაშვილს ურჩევს, სახელმწიფო კანცელარიის შენობა გაყიდოს და თვითონ გადავიდეს ათონელის რეზიდენციაში. ამის შესახებ თავისუფალი დემოკრატების გენერალურმა მდივანმა, ალექსი პეტრიაშვილმა რუსთავი 2-ის ეთერში გადაცემა არჩევანში ისაუბრა.
"პრემიერი გადავიდეს და მისი ადმინისტრაცია გადავიდეს იმ შენობაში, კანცელარიის შენობა და მიმდებარე ტერიტორია გაიყიდოს, ის შეიძლება ყველაზე მიმზიდველიც იყოს ინვესტორისთვის," - განაცხადა პეტრიაშვილმა.
პეტრიაშვილის აზრით, ყოფილმა პრემიერმინისტრმა, ბიძინა ივანიშვილმა, სჯობს შეწყვიტოს რეზიდენციის საკითხის განხილვა, რადგანაც ეს საერთაშორისო ასპარეზზე არამარტო ქვეყანას, არამედ თავად ბიძინა ივანიშვილსაც არასახარბიელოდ წარმოადგენს.