საბერძნეთის უზენაესმა სასამართლომ დათა ახალაიას ექსტრადიციაზე პირველი ინსტანციის, ქალაქ პეტრას სასამართლოს გადაწყვეტილება ძალაში დატოვა და ქართულ მხარეს უარი უთხრა. ადვოკატ ირაკლი ზაქარეიშვილის ინფორმაციით, უზენაესმა სასამართლომ საფუძვლად საქართველოში დათა ახალაიას მიმართ პოლიტიკური დევნა დაასახელა.
პირველი ინსტანციის სასამართლომ ახალაიას ექსტრადირებაზე უარი გასული წლის 16 ოქტომბერს თქვა.
საქართველოში დათა ახალიას წინააღმდეგ გამოძიება რამდენიმე საქმეზეა დაწყებული, მათ შორისაა ე.წ. ნავთლუღის სპეცოპერაციის და გირგვლიანის მკვლელობის საქმეები.
