ყაზახეთში ვადამდელი საპრეზიდენტო არჩევნები მიმდინარეობს. ქვეყნის მოქმედი პრეზიდენტის, ნურსულთან ნაზარბაევის გარდა არჩევნებში მონაწილეობას ორი კანდიდატი იღებს. ამის შესახებ ინფორმაციას BBC ავრცელებს.
ექსპერტების ვარაუდით, არჩევნებში ნაზარბაევი გაიმარჯვებს, რაც მის მმართველობას კიდევ 5 წლით გაახანგრძლივებს. ადამიანის უფლებათა დაცვის ორგანიზაციების თქმით, ნაზარბაევი ოპოზიციას სისტემატურად ავიწროებს.
ნურსულთან ნაზარბაევის საარჩევნო კამპანია ქვეყნის ეკონომიკურ და სოციალურ სტაბილურობაზეა ორიენტირებული.