Placebo, Archive, soap&skin, Tiger Lillies, Beth Hard, kollektiv turmstrasse, mujuice - ეს ბენდები და მუსიკოსები წელს Tbilisi open air-ზე დაუკრავენ.
TBILISI OPEN AIR 2015 3 ივლისიდან 7 ივლისის ჩათვლით ჩატარდება ახალ ლოკაციაზე: ჰუალინგი. თბილისის ზღვის ახალ ქალაქში და 70-ზე მეტ ქართველ და უცხოელ არტისტს უმასპინძლებს. ფესტივალი სამ დამოუკიდებელ სცენაზე გაიმართება, სადაც 24 საათის განმავლობაში დაუკრავენ.
3 ივლისს მაყურებლის წინაშე მთავარ სცენაზე ზემფირა და აკვარიუმი წარდგებიან. ღამით ე.წ. ოქროს სცენის ჰედლაინერი kollektiv turmstrasse იქნება, იმავე სცენაზე ქართველი ელექტროშემსრულებლები Newa, greenbeam and leon დაუკრავენ.
4 ივლისის მთავარი მოვლენა Archive-ისა და soap&skin-ის კონცერტი იქნება. ღამით კი ერთ-ერთი ყველაზე ცნობილი ელექტრომუსიკოსი mujuice დაუკრავს.
5 ივლისს მძიმე მეტალის მოყვარულებს black label society-ის მოსმენა შეეძლებათ.
6 ივლისი Beth Hart შეეცდება მსმენელის აყოლიებას, იმავე ღამეს კი ერთ-ერთი გამორჩეული ქართველი პროდიუსერი Gacha დაუკრავს, რომელიც თავის ახალ ალბომს მომავალ თვეში უშვებს.
ფესტივალს 7 ივლისს ბრაიან მოლკო და მისი ალტერნატიული როკბენდი Placebo დახურავს.
შეგახსენებთ, ყოველწლიურ მუსიკალურ ფესტივალს Tbilisi Open Air, Alter Vision Group-ი 2009 წლიდან ახორციელებს.
ბილეთის ფასები:
29 აპრილიდან - 8 ივნისის ჩათვლით შეძენის შემთხვევაში
აბონიმენტის ფასი = 110 ლარი
3 ივლისი - 40 ლარი
4 ივლისი - 40 ლარი
5 ივლისი - 30 ლარი
6 ივლისი - 30 ლარი
7 ივლისი - 50 ლარი
8 ივნისიდან - 7 ივლისის ჩათვლით შეძენის შემთხვევაში
აბონიმენტი - 130 ლარი
3 ივლისი - 45 ლარი
4 ივლისი - 45 ლარი
5 ივლისი - 35 ლარი
6 ივლისი - 35 ლარი
7 ივლისი - 60 ლარი
ბილეთების გაყიდვა 29 აპრილიდან სპორტის სასახლის წინ განთავსებულ ფესტივალის სალაროებსა და ონლაინ, tbilisiopenair.ge-ზე დაიწყება.
