კულტურის მინისტრის მრჩევლის ქეთევან დუმბაძის ინფორმაციით, ნიკო ფიროსმანის ნახატი - "არსენალის მთა ღამით" - საქართველოს ყოფილმა პრემეირმინისტრმა ბიძინა ივანიშვილმა იყიდა.
"დღეს ბიძინა ივანიშვილმა ფიროსმანი იყიდა. არსენალის მთა მალე თბილისში იქნება", - წერს მინისტრის მრჩეველი Facebook-ში.
ქეთევან დუმბაძის მიერ გავრცელებული ინფორმაცია მოგვიანებით საზოგადოება 20/30-მაც დაადასტურა.
„საქართველოს უბრუნდება ნიკო ფიროსმანის ნახატი „არსენალის მთა ღამით”, რომელიც ბიძინა ივანიშვილმა აუქციონზე მილიონნახევარ დოლარად შეიძინა", - ნათქვამია 2030-ის facebook-ის გვერდზე.
ნიკო ფიროსმანის ნახატი კრისტის აუქციონზე დღეს, 1 ივნისს, 1,486,100 დოლარად გაიყიდა. ნამუშევარი 1907-1908 წლებშია შექმნილი.
