სირიის არმიის საჰაერო იერიშებს სირიაში, იდლიბის პროვინციაში 49 ადამიანი ემსხვერპლა. ამის შესახებ ინფორმაციას Reuters-ი სირიის ადამიანის უფლებათა მონიტორინგის ჯგუფზე დაყრდნობით ავრცელებს.
გავრცელებული ინფორმაციით, დაღუპულთა შორის 6 ბავშვი და 4 ქალია. სირიის ადამიანის უფლებათა მონიტორინგის ჯგუფის წარმომადგენლების თქმით, დაღუპულთა რაოდენობა შესაძლოა გაიზარდოს.
შეგახსენებთ, რომ ალ-კაიდას მოკავშირე დაჯგუფებამ, ალ-ნუსრამ, იდლიბის პროვინციის ნაწილი მარტის ბოლოს დაიკავა.
