ფიფას საბანკო ანგარიშებზე გამომძიებლებმა საეჭვო აქტივობები გამოავლინეს - ამის შესახებ შვეიცარიის გენერალურმა პროკურორმა განაცხადა.
მიხაელ ლაუბერის თქმით, გამოძიება დიდი ოდენობით მონაცემებს აანალიზებს, რასაც დრო დაჭირდება. პროკურორის თქმით, შესაძლოა, ამ საქმეზე ფიფას მოქმედი პრეზიდენტი ზეფ ბლატერიც დაიკითხოს.
შვეიცარიაში ორგანიზაციის ფინანსურ დარღვევებს, ასევე რუსეთსა და ყატარისთვის მსოფლიო ჩემპიონატის ჩატარების უფლების მინიჭებისას შესაძლო კორუფციულ გარიგებას იძიებენ. შეერთებულმა შტატებმა კი ფიფას 14 მაღალჩინოსანს კორუფციული ბრალდებები წაუყენა.
