ძლიერმა წვიმამ ბათუმის რამდენიმე ქუჩა დატბორა. სამაშველო სამსახურის წარმომადგენლის ზვიად ჯაფარიძის ინფორმაციით, ბათუმში, ღამის განმავლობაში, სახანძრო-სამაშველო სამსახური 300-ჯერ გამოიძახეს. მისივე თქმით, გამოძახებები შეეხებოდა სახლების დატბორვას და დატბორილი ქუჩებიდან ავტომობილების გამოყვანას.
ჯაფარიძის ცნობით, დატბორილ ობიექტებზე წყლის დონემ იკლო და სამაშველო სამსახური წყალს ამ დროისთვისაც ტუმბავს.