უკრაინაში კონფლიქტის წარმატებით დარეგულირების შემთხვევაში ევროკავშირის სანქციები რუსეთის წინააღმდეგ უნდა გაუქმდეს. ამის შესახებ საფრანგეთის პრეზიდენტმა განაცხადა.
ფრანსუა ოლანდის თქმით, სიტუაცია ბოლო პერიოდში გაუმჯობესდა. მან გაეროს გენერალური ასამბლეის ფარგლებში ე. წ. ნორმანდიის ფორმატში მოლაპარაკებების გამართვას დაუჭირა მხარი, უკრაინის, რუსეთის, გერმანიისა და საფრანგეთის ლიდერების მონაწილეობით.
