ვერბატიმი

  • გიგა ბოკერიას მინდა ვუპასუხო, მე ტროცკისტი ვიქნები, ბოლშევიკი ვიქნები თუ ასე შემდეგ, ამას მე თვითონ ვიტყვი. ყველაზე დიდი ბოლშევიკები დამოუკიდებელი საქართველოს ისტორიაში იყავით თქვენ, თქვენი გადაწყვეტილებების მეთოდებით, იმ დამოკიდებულებით თუ ადამიანი არ არის პრობლემაც არ არის და შესაბამისად ამიტომ დაასრულეთ ისე, როგორც დაასრულეთ. ბოლშევიზმი ყოველთის სრულდება. პირდაპირ გეტყვით, რომ ჩვენ პატარა ქვეყანა ვართ, ამ ნაწილს ვინც აქეთ ვსხედვართ პარლამენტში მიტევების უფრო მაღალი ხარისხი გვაქვს, ვიდრე შეიძლება თქვენ წარმოგედგინათ და მოგიტევეთ და ამ მოტევების საფუძველზე ხართ ამ დარბაზში. თორე იმ დანაშაულებების გამო, რაც თქვენ ჩაიდინეთ, სხვა არ მოგიტევებდათ და ეს კარგად გააცნობიერეთ.

    საპარლამენტო უმრავლესობის წევრი ბექა ნაცვლიშვილი პარლამენტის სხდომაზე სიტყვით გამოსვლისას.
    ნაცვლიშვილი ევროპულ საქართველოს: მოგიტევეთ და ამიტომ ხართ ამ დარბაზში
  • უნდა ვაღიარო, რომ ნამდვილად ჭკვიანი, განათლებული ადამიანები ბრძანდებით, თითქმის ყველა - თქვენი ფრაქციიდან. მაგრამ ძალიან ვწუხვარ, რომ ამ განათლებას, ჭკუას, ნაკითხობას, გამოცდილებას იყენებთ ვირტუოზული დემაგოგიისთვის. ბოროტებისთვის არა, არ შემიძლია, ასე დაგაბრალოთ. ვირტუოზული დემაგოგიისთვის, რომლითაც ასე ოსტატურად ნაცარს აყრით ჩვენს საზოგადოებას თვალებში, როცა მაღალფაროდავანი, მენტორული ტონით გვასწავლით ჭკუას, რას ნიშნავს კეთილდღეობა, რას ნიშნავს ადამიანის და პიროვნების თავისუფლება. 

    ჯანდაცვის კომიტეტის თავმჯდომარე აკაკი ზოიძე ევროპულ საქართველოს, დღევანდელ პლენარულ სხდომაზე.
    ზოიძე ევროპულ საქართველოს: განათლებას და ჭკუას ვირტუოზული დემაგოგიისთვის იყენებთ
  • ჩვენ ერთი რამე უნდა ვისწავლოთ ისტორიიდან, რომ ყოველი შემდეგი ხელისუფლების შეცვლა წინას არ გავდა. თუმცა მოლოდინი იყო, რომ ისევე უნდა შეცვლილიყო. ზვიადი წავიდა სისხლიანი გადატრიალებით, ამიტომ ეს გარკვეულწილად აბრკოლებდა ოპოზიციას მთელი შემდეგი 10 წლის მანძილზე. დაკვეთა სტაბილურობაზეა და შენ ხელისუფლების შეცვლა თუ გინდა არაარჩევნების გზით, ესე იგი სისხლისღვრა გინდა და ეს შიში იყო, რომ პროსტესტს არ გამოეწვია სისხლისღვრა. ვარდების რევოლუციამ გააქრო ეს შიში, თურმე შეიძლება, რომ ეს მოხდეს სისხლის ღვრის გარეშე. შემდეგმა ოპოზიციამ დაიწყო იგივე, ახალი ვარდების რევოლუციის მცდელობა მოჰყვა. ახლაც რაღაცნაირად თითქოს ველოდებით რომ განსაკუთრებული პიროვნება უნდა მოვიდეს. აქამდე რაც იყო, ყოველთვის ოპოზიციის ხელისუფლებაში მოსვლა ხდებოდა ქარიზმატული ან სუპერმდიდარი, როგორც ბიძინა ივანიშვილია, ერთი ლიდერის გარშემო. ამიტომ ჩამოყალიბდა ინდუქციური დასკვნა, გამოცდილებიდან გამომდინარე, რომ საქართველოში მხოლოდ ბელადი უნდა გყავდეს. სავსებით შესაძლებელია ახალი მიჯნა აღმოჩნდეს ვითარება, როდესაც ერთი გამოკვეთილი ბელადის გარეშეც ოპოზცია მოიგებს.  

    პოლიტოლოგი გია ნოდია თამარ ჩერგოლეიშვილთან ინტერვიუში.
    ნოდია: ყოველი შემდეგი ხელისუფლების შეცვლა წინას არ გავდა
  • მიხეილ სააკაშვილი პრობლემა ჩემი აზრით, არის ერთგვარი დაპირისპირება მის გონებასა და ხასიათს შორის. ის არის საკმაოდ რაციონალურად და სტრატეგიულად მოაზროვნე პოლიტიკოსი და ხვდება რა არის სწორი, მაგრამ მეორეს მხრივ, მის ცხოვრებაშ პირველი სერიოზული დამარცხების შემდეგ, რაც მან გამოსცადა 2012 წელს, ის ვეღარ ერევა თავის შინაგან დემონებს და დაკარგა სტრატეგიული მოთმინების უნარი. ამიტომ კი ხვდება, რომ რაღაცებს არასწორად აკეთებს, პოსტფაქტუმ და ცდილობს ამის გამოსწორებას, მაგრამ ხშირად ეს უკვე გვიანია. თუ ჩავთვლით, რომ ის არის ქართველი პოლიტიკური ფიგურა, ის უნდა მუშაობდეს ოპოზიციის გაერთიანებაზე და არა საკუთარი ექსკლუზიური როლის წინ წამოწევაზე და ხაზგასმაზე.

    პოლიტოლოგი გია ნოდია მიხეილ სააკაშვიის შესახებ, თამარ ჩერგოლეიშვილთან ინტერვიუში.
    ნოდია: 2012 წელს დამარცხების შემდეგ, სააკაშვილი ვეღარ ერევა თავის შინაგან დემონებს
  • ვნახოთ, ჯერ არჩევნები დაინიშნოს და მასში მონაწილეობაზე მერე ვიმსჯელოთ. ჯერ არაფერი მაქვს გადაწყვეტილი - ვნახოთ, როგორ იქნება საქმე. ჯერ არაფერზე ლაპარაკი არ ყოფილა.

    ინტერპრესნიუსთან ამბობს ქართული ოცნება - მრეწველების ყოფილი დეპუტატი ზურაბ ტყემალაძე. ipn-ის ინფორმციით ტყემალაძეს ვანსა და ხონში ქართული ოცნების სახელთ უნდა კენჭისყრა. ტყემალაძის შვილი გიორგი ტყემალაძეც ქართული ოცნების წევრია, ის თბილისის საკრებულოს თავმდჯომარეა. შუალედურ არჩევნებში საკუთარი...
    ტყემალაძე ხონსა და ვანში კანდიდატობაზე: ვნახოთ, დაინიშნოს ჯერ არჩევნები
  • ქართული ოცნება აცხადებს, რომ მშვიდად ვერ ვუყურებთ რომ საზმაუ ფლანგავდეს ათობით მილიონ ლარსო. ამიტომ, აპირებენ, რომ (ა) საზმაუს მისცენ მეტი ფული რეკლამიდან; (ბ) აპირებენ მისცენ სტარტაპების დაფინანსების უფლება და (გ) რაც მთავარია, უტოვებენ იმ რამდენიმე ათეულ მილიონ ლარს.

    თან ამბობენ, რომ წინა ხელისუფლებისგან განსხვავებითო...

    შედარებისთვის:
    2013 წელს ბიუჯეტიდან საზმაუ იღებდა 31 მილიონს. დღეს იღებს 53 მილიონს. 
    2013 წელს საზმაუს რეიტინგი იყო 5.67, ხოლო დღეს რეიტინგი არის 3.23. 
    2012 წელს საზმაუს ასევე პიკი ჰქონდა და გარკვეულწილად მაინც უპირისპირდებოდა რუსულ პროპაგანდას. დღეს, ისიც არ აქვს. 
    2013 წელს საზმაუზე თოქშოუები გადიოდა, რომელთა ყურება შეიძლებოდა. დღეს - არ აქვს.

    ამავე დროს სარეკლამო ბაზარი 2012 წელს იყო 40 მილიონი დოლარი. 2016-ში კი სარეკლამო ბაზარი იყო - 35.6 მილიონი დოლარი.

    ჰოდა, ამიხსენით ვინმემ, ლოგიკას მარტო მე ვერ ვხედავ?

    წერს ევროპული საქართველოს წევრი, სერგი კაპანაძე ფეისბუქზე. კაპანაძე მაუწყებლის შესახებ კანონში ცვლილებებს ეხმაურება, რომელიც საზოგადოებრივი მაუწყებლისთვის კომერციული რეკლამის უფლების მინიჭებას ითვალისწინებს. პარლამენტმა დღეს პრეზიდენტის ვეტო დაძლია და კანონი დაამტკიცა. 
    კაპანაძე: საზოგადოებრივ მაუწყებელზე ოცნების წევრების განცხადებები არალოგიკურია
  • მინდა, გამოვეხმაურო მიხეილ სააკაშვილის უღირს და სამარცხვინო განცხადებებს და გამოსვლებს, რომელიც საზოგადოებამ მოისმინა გუშინ.

    პირველ რიგში, სააკაშვილს მინდა ვუთხრა, რომ ის არ არის მაღალი, ის არის გრძელი და სიგრძით ამაყობს ის, რაზედაც მიხეილ სააკაშვილი ასე გულმოდგინედ საუბრობდა გუშინდელ განცხადებებში.

    კაცმა უნდა იამაყოს მაღალი რეპუტაციით, ღირსებით, ქალებთან ღირსეული დამოკიდებულებით, რისგანაც მიხეილ სააკაშვილი იყო და არის დაცლილი. მინდა ვისარგებლო შემთხვევით და კიდევ ერთხელ მადლობა გადავუხადო ყველა იმ ადამიანს, რომელმაც 6 წლის წინ ჩამოგვაცილა ის სირცხვილი, რასაც ერქვა მიხეილ სააკაშვილის პრეზიდენტობა.

    ქართული ოცნების დეპუტატი დავით მათიკაშვილი პარლამენტის პლენარულ სხდომაზე გამოეხმაურა მიხეილ სააკაშვილის განცხადებებს. ყოფილმა პრეზიდენტმა გუშინ თქვა, რომ "ბიძინა ივანიშვილი და თეა წულუკიანი თავისი მასშტაბების გამო, იქამდეც ვერ მომწვდნენ, სადაც მოწვდენა უნდოდა ივანიშვილის პატრონს, პუტინს".
    მათიკაშვილი: სააკაშვილი გრძელია, სიგრძით ამაყობს ის, რაზეც გულმოდგინედ საუბრობდა
  • ჩემდა სამწუხაროდ, პრეზიდენტი მარგინალურ ფიგურად ჩამოყალიბდა, რომელიც არ სცემს პატივს სწორედ იმ ღირებულებებს, რის გამოც ქართველმა ხალხმა ქართულ ოცნებას დაუჭირა მხარი. მთელი ეს პერიოდი სწორედ სახელმწიფო ინსტიტუტების გაძლიერებასა და შენებას მოანდომა ჩვენმა ხელისუფლებამ და ამ პროგრესსა და ამ წარმატებას ხედავს მთელი მსოფლიო. არ უნდა დაინახოს ეს ყველაფერი მხოლოდ პრეზიდენტმა და მისმა ადმინისტრაციამ. რაც შეეხება მომავალ საპრეზიდენტო არჩევნებს, თუკი პრეზიდენტი გადაწყვეტს და მონაწილეობას მიიღებს მომავალ საპრეზიდენტო არჩევნებში, მე ვარწმუნებ მას, მის ადმინისტრაციასა და საზოგადოებას, რომ ეს იქნება კიდევ ერთი გიორგი მარგველაშვილის ფიასკო, რომელსაც საზოგადოება დაინახავს.

    ქართული ოცნების დეპუტატმა დავით მათიკაშვილმა პრეზიდენტის ადმინისტრაციის უფროსს გიორგი აბაშიშვილს უპასუხა. ცნობისთვის, აბაშიშვილმა განაცხადა, რომ საპარლამენტო უმრავლესობას უჭირს საპრეზიდენტო კანდიდატის დასახელება.
    მათიკაშვილი: თუ მარგველაშვილი საპრეზიდენტო კანდიდატი იქნება, ეს იქნება მისი ფიასკო
  • გული გვწყდება, რომ ეს ადამიანი [გიორგი მარგველაშვილი] თავის ფუნქციებს ვერ ასრულებს. ამაზეა საუბარი. აბსოლუტურად აცდენილია და გული მწყდება, რომ ასეთ ადამიანებს ასეთი ჩამოუყალიბებელი პოზიცია აქვთ. ჩვენ პრეზიდენტის ინსტიტუტს პატივს ვცემთ, მაგრამ ისეთ გარემოში უნდა თავის წარმოჩენა, რაშიც ბუნებრივად ვერ წარმოაჩენს, იმიტომ, რომ პრეზიდენტის ინსტიტუტი არ იძლევა ამის საშუალებას. მას უნდა, რომ იყოს ყველაფრის დირექტორი და ვერ იქნება ბევრი მიზეზიდან გამომდინარე.

    თუ ის აპირებს არჩევნებში კენჭისყრას, მიიღოს, კი ბატონო... გიდასტურებთ, ჩვენ არ გვყავს საპრეზიდენტო კანდიდატი,მაგრამ გარწმუნებთ, როცა დავასახელებთ, ის იქნება უკონკურენტო და ის მიაღწევს წარმატებას ყველაზე მეტად.

    ქართული ოცნების დეპუტატი ლევან გოგიჩაიშვილი საქართველოს პრეზიდენტზე.
    გოგიჩაიშვილი: პრეზიდენტი თავის ფუნქციებს ვერ ასრულებს, აბსოლუტურად აცდენილია
  • მინდა, აუცილებლად გამოვეხმაურო იმ ძალიან არაჯანსაღ აჟიოტაჟს, რომელიც მედიაზე ე.წ ზეწოლას ეხება.

    ჩვენი ხელისუფლების პირობებში ასეთი ტიპის ბრალდებები სრული აბსურდია. გამორიცხულია, ჩვენი ხელისუფლების პირობებში ასეთი რამ ხდებოდეს. მინდა, ყველას ვუთხრა, რომ ასევე გამორიცხულია, ჩვენი ხელისუფლების პირობებში საკუთარი ბიზნესი ვინმემ გამოიყენოს ხელისუფლების შანტაჟის იარაღად და ჩვენ დავრწმუნდით, რომ სწორედ ასეთ შემთხვევასთან გვაქვს საქმე.

    მთელი გუშინდელი საღამო მიეძღვნა ამ თემატიკას. კიდევ ერთხელ მინდა ვთქვა, რომ ეს არის გამორიცხული. ხელისუფლება, რომელმაც მოიტანა ის, რომ პრაქტიკულად დღეები სჭირდება ახალი ტელევიზიის დარეგისტრირებას და ფუნქციონირების დაწყებას, ნამდვილად ვერ მივიღებთ ამ ბრალდებებს. იმ მონაპოვარს, რასაც თავისუფალი მედია ჰქვია, ჩვენს ხელისუფლებაში ვერავინ შეეხება. გამორიცხულია, ასეთი რამ ხდებოდეს, სრული პასუხისმგებლობით ვაცხადებ ამას.

    პრემიერმინისტრი გიორგი კვირიკაშვილი სავარაუდოდ ტელეკომპანია იბერიას ჟურნალისტების განცხადებას გამოეხმაურა. ცნობისთვის, TV იბერიას ჟურნალისტები ვარაუდობენ, რომ არხზე ფინანსური დარტყმა მიზანმიმართულად ხდება, რათა ტელეკომპანიამ თავისუფალი სარედაქციო პოლიტიკით მაუწყებლობა ვეღარ გააგრძელოს.
    პრემიერი: აბსურდია მედიაზე ზეწოლაზე საუბარი, ხელისუფლების შანტაჟთან გვაქვს საქმე
  • ხელფასი მაქვს 21 ათასი ლარი, საიდანაც ხელზე ვიღებ 16 ათას ლარს. ეს ყველაზე ნაკლებია, ფონდის დირექტორებს შორის.

    რაში ვხარჯავ? დანიშვნის დღიდან, ჩემი ხელფასის ზუსტად 2/3 მიდის ქველმოქმედებაში. ორი წელზე მეტია, მე ვიღებ ზუსტად იმდენ ხელფასს, რამდენსაც თითოეული პარლამენტარი. დანარჩენი ჩემი ხელფასიდან მიდის სამედიცინო უნივერსიტეტში, რომელიც მე დავამთავრე, ხუთივე ფაკულტეტზე ყველაზე მაღალი სტიპენდიაა. საჯარო სკოლა, რომელიც მე დავამთავრე, იღებს ყოველთვიურად საკმაოდ დიდ თანხას საუკეთესო პედაგოგისა და მოსწავლისთვის. მუსიკალური სკოლა, რომელიც მე დავამთავრე, ყოველ თვე, ასევე ყველაზე მაღალ თანხას იღებს პედაგოგისა და მოსწავლისთვის. ონკოლოგიის ცენტრი, სადაც მე ვმუშაობ, ყოველ თვე, ბავშვთა განყოფილებას აქვს იმხელა თანხა, რომ აბსოლუტურად ყველაფრით არის აღჭურვილი. ამბროლაურისა და ონის ოთხი საუკეთესო მოსწავლე ყოველთვიურად ჩემგან იღებს სტიპენდიას. ივნისში დაღუპული ოჯახი, რომელსაც პატარა ბავშვები დარჩათ, დღემდე ჩემგან ღებულობს დახმარებას. ეს არის ის თანხა, რომელიც დათო საგანელიძემ ხელფასის სახით აიღო, დაიბეგრა და ის თანხა, რომელიც უნდა წაეღო სახლში, ამ თანხის ზუსტად 2/3 მიდის ამ მიზნით...

    საპარტნიორო ფონდის ხელმძღვანელი დავით საგანელიძე ”პალიტრანიუსის” გადაცემაში ”360 გრადუსი” ანაზღაურებასთან დაკავშირებულ კითხვებს პასუხობს.
    საგანელიძე: ჩემი ხელფასის 2/3 ქველმოქმედებაში მიდის
  • მეხუთე დირექტორი ვარ და ყველაზე მცირე ხელფასი მაქვს, ამას არ საზღვრავს ფონდი, არამედ საზღვრავს სამეთვალყურეო საბჭო. ჩვენი თანამშრომლები არ არიან საჯარო მოხელეები, ჩვენ ვართ ბანკთან გათანაბრებული სტრუქტურა და განვმარტავ, რომ არ ვხარჯავთ ბიუჯეტის თანხებს, არამედ ჩვენი შემოსავლებია დივიდენდები. ჩვენ ბიუჯეტისთვის მოგვაქვს რამდენიმე ათეულობით და კიდევ უფრო მეტი მილიონი დოლარის მოგება და, შესაბამისად, ჩვენი ხელფასი, როგორც საბანკო სექტორში, ფორმირდება ჩვენი მოგებით. 

    ხელფასი მაქვს 21 ათასი ლარი, საიდანაც ხელზე ვიღებ 16 ათას ლარს. მაგრამ თანხის 2/3 მიდის ქველმოქმედებაში.

    საპარტნიორო ფონდის ხელმძღვანელი დავით საგანელიძე ”პალიტრანიუსის” გადაცემაში ”360 გრადუსი”.
    საგანელიძე: საპარტნიორო ფონდის დირექტორებიდან ყველაზე მცირე ხელფასი მაქვს
  • რა ლექსიკაც შეესაბამება და მეტიც, ზედ აკვდება პუტინს, ივანიშვილს, ბესელიას, წულუკიანს, ჩერგოლეიშვილს თუ ამაშუკელს, იგივე არ შეეფერება და არ ეკადრება მიშას. დღევანდელი განცხადება იყო შეცდომა. კონტექსტი ამ შემთხვევაში გამართლება არაა. შეცდომა ადამიანებს მოსდით და ეს თავისთავად გადაუჭრელი პრობლემა არაა, არც რამე ისეთია, რომ ქოცებივით შავის და თეთრის გარჩევაში შეუშალოს ვინმეს ხელი. ამ შეცდომაზე გაცილებით უფრო დიდი პრობლემაა თანაგუნდელების აღტაცება, დითირ-ამბები და შეგულიანებები მიშასადმი, ეს რა მაგარი რამე თქვიო.

    მიხელ სააკაშვილის განცხადებით, "წულუკიანი და ივანიშვილი იქამდეც ვერ მომწვდნენ, სადაც პუტინს უნდოდა". "ჩერჩილს ერთერთ მიღებაზე მიეჭრა ოპონენტი პარტიის წარმომადგენელი ქალბატონი და უთხრა - "ბატონო პრემიერმინისტრო, თქვენ მთვრალი ხართ". ამაზე ჩერჩილმა ძალიან აუღელვებლად უპასუხა - "ქალბატონო, მე მართლაც...
    თაქთაქიშვილი: მიშას განცხადება იყო შეცდომა, უფრო დიდი პრობლემაა აღტაცება გუნდში
  • სახელმწიფო ინტიტუტები ირღვევა მაშინ, როდესაც ერთი გარკვეული ინსტიტუტის წარმომადგენლები ცდილობენ არ ჩაეტიონ თავის ფარგლებში და გადიან ფარგლებს გაღმა. დღეს მარგველაშვილი არის პრეზიდენტი საპარლამენტო რესუბლიკის მოდელში და ცდილობს, ისეთი პრეზიდენტი იყოს, როგორიც იყო სააკაშვილი ან შევარდნაძე და არ გამოსდის. ძველ ტიკში ახალი ღვინო ვერ ჩაისხმევა, იმიტომ რომ გასკდება და დაიხევა. ამას უკეთებს პრეზიდენტის ინსტიტუტს. თუ ჩაეტევა იმ ჩარჩოებში, რაც განსაზღვრა ახალმა კონსტიტუციამ, მაშინ ყველაფერი ჩაჯდება თავის ნორმაში. ჩვენ ვერ ვხედავთ მაგალითად, გერმანიის პრეზიდენტს, რომელიც აკეთებს ისეთ რამეებს, რის გაკეთებასაც ცდილობს დღეს მარგველაშვილი.

    საქართველოს დევნილთა და განსახლების მინისტრი პრეზიდენტის განცხადებას ეხმაურება, რომლის მიხედვით, "ინსტიტუტების შერყევა ქართული ოცნების საფირმო ნიშანია". გიორგი მარგველაშვილმა ეს განცხადება ვეტოს სავარაუდო დაძლევის შესახებ საუბრისას გააკეთა.
    სუბარი მარგველაშვილზე: ძველ ტიკში ახალი ღვინო ვერ ჩაისხმევა, გასკდება და დაიხევა
  • ბატონი მიხეილი არის სავალალო მდგომარეობაში, რომლის მდგომარეობასაც არც ერთ საქართველოს პრეზიდენტს ვუსურვებ, იმ მდგომარეობაში, სამართლებრივში და პოლიტიკურში, როგორშიც თავად მან ჩაიგდო თავი. შესაბამისად სამართალდამცავი სტრუქტურები მიმართავენ, [სააკაშვილის ექსტრადირებას] უკვე მიმართეს, როდის მიმართავენ, ეს სამართალდამცავი სტრუქტურების საქმეა.

    იუსტიციის მინისტრმა თეა წულუკიანმა გუშინ გამართულ საკომიტეტო მოსმენაზე ნაციონალური მოძრაობის წევრის თინა ბოკუჩავას მიერ დასმულ შეკითხვას, გეგმავს თუ არა სააკაშვილის ექსტრადირება ევროკავშირის ქვეყნებსაც მოთხოვოს, ასე უპასუხა.
    წულუკიანი: სააკაშვილი არის სავალალო მდგომარეობაში
  • კონკრეტულად ამ პიროვნებებზე, ივანიშვილზე, მის ზოგიერთ მინისტრზე, მე მახსენდება უინსტონ ჩერჩილი. მას ერთერთ მიღებაზე მიეჭრა ოპონენტი პარტიის წარმომადგენელი ქალბატონი და უთხრა - "ბატონო პრემიერმინისტრო, თქვენ მთვრალი ხართ". ამაზე ჩერჩილმა ძალიან აუღელვებლად უპასუხა - "ქალბატონო, მე მართლაც ძალიან, ძალიან მთვრალი ვარ. თქვენ კი, ძალიან, ძალიან მახინჯი ხართ. მაგრამ ხვალ დილით გავიღვიძებ და მე უკვე ფხიზელი ვიქნები". ეს არის ჩემი პასუხი თეა წულუკიანს.

    მინდა ვთქვა, რომ ბიძინა ივანიშვილი და თეა წულუკიანი თავისი მასშტაბების გამო, იქამდეც ვერ მომწვდნენ, სადაც მოწვდენა უნდოდა ივანიშვილის პატრონს, პუტინს უნდოდა. იქამდეც ვერ მოწვდენ ეს სუბიექტები და ვერც მოწვდებიან, მაგრამ მალე ქართველი ხალხი მიწვდება მათ ყველგან, სადაც საჭიროა და სათანადოდ აგებინებს პასუხს.

    მიხეილ სააკაშვილი რუსთავი 2-თან სატელეფონო საუბარში პასუხობს იუსტიციის მინისტრს თეა წულკიანს, რომელმაც თქვა, რომ ყოფილი პრეზიდენტი სავალალო მდგომარეობაშია.
    სააკაშვილი: წულუკიანი და ივანიშვილი იქამდეც ვერ მომწვდნენ, სადაც პუტინს უნდოდა
  • რამდენიმე წლის წინ გადავწყვიტეთ, რომ პანკისელი ისლამისტების წინააღმდეგ აქ ბრძოლას, სჯობდა, რომ ისინი სირიაში გაგვეშვა და იქ რაც მოუვიდოდათ, მოუვიდოდათ. შედეგად ამას რაც მოყვა, ბერი გაბრიელის ქუჩაზე ვნახეთ.

    ანალოგიურად, გადავწყვიტეთ, რომ კრიმინალების ციხეში ჯდომას, მათი გათავისუფლება და ევროპაში გაშვება სჯობს და ლამის 15 ათასით შევამცირეთ პატიმრების რაოდენობა და ახლა ვწუწუნებთ, რომ უვიზო მიმოსვლა ეჭვქვეშ დადგა

    როდის უნდა მივხვდეთ, რომ საკუთარი პრობლემების ექსპორტი არ არის მათი მოგვარების გზა. კრიმინალი ტერორისტი უნდა იყოს აქ ციხეში და არა ევროპაში ან სირიაში

    საქართველოს შინაგან საქმეთა სამინისტროს ანალიტიკური დეპარტამენტის ყოფილი ხელმძღვანელი და რონდელის ფონდის ექსპერტი შოთა უტიაშვილი საუბრობს საქართველოსთვის ვიზალიბერალიზაციის შეჩერების საფრთხეებზე
    უტიაშვილი: კრიმინალები ციხეებიდან გავუშვით და ახლა უვიზო მიმოსვლა ეჭვქვეშ დადგა
  • [ემრე ჩაბუქის] გირაოთი გათავისუფლება კარგია, მაგრამ არ ნიშნავს, რომ ჩაბუქის [თურქეთისათვის] გადაცემის საფრთხე აღარ არსებობს.

    თან აქ მნიშვნელოვანი გარემოებაა, რომ 24 თებერვალს 9-თვიანი მაქსიმალური ვადა იწურებოდა პატიმრობისთვის. როგორც ჩანს, სწორედ ამიტომ მოითხოვა პატიმრობის შეცვლა გირაოთი თვითონ პროკურატურამ. ახლა კი შეიძლება განუსაზღვრელად გაიწელოს ვადები და საბოლოო გადაწყვეტილების შინაარსი დამოუკიდებული იქნეს შემდგომში განვითარებულ პოლიტიკურ მოვლენებზე. ახლა ზედმეტად ცხელი სიტუაცია იყო,არ გამოდიოდა გადაცემა, როგორც ჩანს.

    ნუ კიდევ ერთი საფრთხე ისაა, რომ მოულოდნელად თურქეთში არ დააკავონ ეს კაცი, საზღვრის უკანონო გადაკვეთისთვის

    იურისტი გიორგი ბერაია მუსტაფა ემრე ჩაბუქის გირაოს სანაცვლოდ გათავისუფლების ფაქტს გამოეხმაურა.
    ბერაია ჩაბუქზე: ერთი საფრთხეა, საზღვრის უკანონო გადაკვეთისთვის თურქეთში არ დააკავონ
  • საბოლოოდ მივიღეთ გადაწყვეტილება იმის თაობაზე, რომ საპარლამენტო უმრავლესობა დაძლევს ვეტოს. ჩვენ გვქონდა სიღრმისეული მსჯელობა ვეტოსთან დაკავშირებით არგუმენტებით და ამის საფუძველზე მივიღეთ ეს გადაწყვეტილება.

    ეს საკითხი არ დადგება თავისუფალ კენჭისყრაზე, რაც ნიშნავს იმას, რომ ყველა დეპუტატი მხარს დაუჭერს ვეტოს დაძლევას. გამონაკლისი იქნება რამდენიმე დეპუტატი. ესენი არიან ის დეპუტატები, რომლებიც მთელი ამ თვეების განმავლობაში საკუთარი არგუმენტებით გამოდიოდნენ კანონპროექტის წინააღმდეგ.

    ამ დეპუტატებს ექნებათ საშუალება, რომ საკუთარი გადაწყვეტილების შესაბამისად გამოხატონ პოზიცია. მათ ექნებათ ამის საშუალება. რაც შეეხება თავისუფალ კენჭისყრას, თავისუფალ კენჭისყრაზე ეს საკითხი არ დადგება.

    პირველი არხის ცნობით, პარლამენტის თავმჯდომარე ირაკლი კობახიძე საზოგადოებრივ მაუწყებელთან დაკავშირებულ კანონპროექტზე, რომლის მიხედვითაც, GPB შეძლებს იმაზე მეტი რეკლამის მოზიდვას, რისი უფლებაც ამჟამად აქვს.
    კობახიძე საზმაუზე: ვეტოს დავძლევთ, გამონაკლისი იქნება რამდენიმე დეპუტატი
  • 15 წელია საქართველოში ვმოღვაწეობ, რომ ბავშვებში ჩანერგილი იყოს სიყვარული და მშვიდობა, მეგობრობა. ყოველთვის წინააღმდეგი ვიყავი ტერორიზმის, ჩხუბის. ამ ქვეყანაში ათასობით მოსწავლე და მეგობარი მყავს. ჩვენი პროექტები, ჩვენი მოღვაწეობა ყოველთვის დადებითად ფასდებოდა. მინდა აღვნიშნო, რომ მთავრობისგანაც, სახელმწიფო მოხელეებისგანაც, განათლების სამინისტროსგანაც ყოველთვის დადებითად ფასდებოდა  ჩემი საქმიანობა. ლეგალურად თუ არალეგალურად, მე ვერც ერთ შემთხვევაში ვერ ვიქნები რომელიმე ტერორისტული დაჯგუფების წევრი ან მომხრე. ძალიან დიდი მადლობა მხარდაჭერისთვის, მოვაწყობ პრესკონფერენციას და მოგიწვევთ. თამამად შემიძლია გითხრათ, რომ პოლიტიკური პატიმარი ვიყავი.

    თბილისის საქალაქო სასამართლომ დღეს გამართულ სხდომაზე დაცვის მხარის მოთხოვნა დააკმაყოფილა და პატიმრობის სანაცვლოდ, ჩაბუქს 1 000-ლარიანი გირაო შეუფარდა. პროკურატურამ კი დღეს შუამდგომლობა შეცვალა და საექსტრადიციო პატიმრობა 10 000-ლარიანი გირაოთი შეცვალა.
    ჩაბუქი: თამამად შემიძლია გითხრათ, რომ პოლიტიკური პატიმარი ვიყავი
  • რუსული პროპაგანდა საქართველოს ვიზალიბერალიზაციის პროცესისათვის ზიანის მიყენებაზე მუშაობს.

    ჩვენ ორ ფაქტორს უნდა მივაქციოთ ძალიან მნიშვნელოვანი ყურადღება: პირველ რიგში, საქართველოს თითოეულმა მოქალაქემ უნდა გააცნობიეროს ეს მონაპოვარი ვიზალიბერალიზაციის შესახებ. ევროკავშირში უვიზოდ გადაადგილება მონაპოვართან ერთად, ჩვენთვის ძალიან დიდი პასუხისმგებლობაა.

    იმისათვის, რომ რეალურად ვისარგებლოთ იმ სიკეთეებით, რომელსაც გვაძლევს ვიზალიბერალიზაცია, საჭიროა, რომ ვიყოთ უფრო ფრთხილად. შესაბამისად, ვესაუბროთ მეტი ჩვენ გარშემო მყოფებს იმ სიკეთეებზე და იმ საფრთხეებზე, რომელიც შეიძლება, სიფრთხილის არ არსებობის შემთხვევაში ჩვენ წინაშე დადგეს.

    ვიზალიბერალიზაცია უმნიშვნელოვანესი სარგებელი და დიდი პასუხისმგებლობაა, და კიდევ ერთხელ უნდა გავაცნობიეროთ ეს

    პრეზიდენტის ადმინისტრაციის უფროსი გიორგი აბაშიშვილი
    აბაშიშვილი: რუსული პროპაგანდა ცდილობს, დააზიანოს ჩვენი ვიზალიბერალიზაცია
  • ეშმაკი ბრძენია და ამ სიბრძნით აღწერს თავის ბოროტ ვნებებს და აზრებს. ძალიან ძნელია მიტევება ცოდვისა, თუ შენ არ დაგიშავებია. ხშირი შემთხვევაა, როდესაც ადამიანი სიკეთეს უკეთებს სხვას და ადამიანი პასუხობს ბოროტებით. რა უნდა უყო ასეთ ადამიანს?! ხედავ, რომ ცუდს გიკეთებს, შენ უნდა დალოცო... გლანძღავს - შენ უნდა დალოცო და ეს ყველაფერი, შენი დალოცვლილი შენ გიბრუნდება. აი, ამიტომ დიდი სიბრძნე უნდა გამოიჩინოთ, რომ სიკეთე და სიწმინდე შენ დაგიბრუნდეს

    ინტერპრესნიუსის ინფორმაციით, საკვირაო ქადაგებისას განაცხადა საქართველოს მართლმადიდებელი ეკლესიის პატრიარქმა ილია მეორემ
    ილია II: ეშმაკი ბრძენია და ამ სიბრძნით აღწერს თავის ბოროტ ვნებებს და აზრებს
  • ღრმა მწუხარებას გამოვთქვამ ირანში მომხდარი ავიაკატასტროფის გამო, რომელსაც ადამიანთა მსხვერპლი მოჰყვა. ქართველი ხალხისა და პირადად ჩემი სახელით ვუსამძიმრებ დაღუპულთა ოჯახებს და თანაგრძნობას ვუცხადებ ირანის მთავრობასა და ირანელ ხალხს.

    საქართველოს პრეზიდენტი ირანში მომხდარი ავიაკატასტროფის გამო მწუხარებას გამოთქვამს. სამგზავრო თითმფრინავის ჩამოვარდნას ირანში 66 ადამიანის სიცოცხლე ემსხვერპლა.
    მარგველაშვილი: თანაგრძნობას ვუცხადებ ირანის მთავრობასა და ირანელ ხალხს
  • უდიდეს მწუხარებას გამოვთქვამ ირანში მომხდარი ავიაკატასტროფის გამო, რომელსაც 66 ადამიანის სიცოცხლე ემსხვერპლა. საქართველოს მთავრობის სახელით სამძიმარს ვუცხადებ დაღუპულთა ოჯახებს და ახლობლებს, ირანის ხელისუფლებას და ირანელ ხალხს. ამ მძიმე წუთებში ჩვენ მათ გვერდით ვართ. 

    საქართველოს პრემიერმინისტრი ირანში მომხდარი ავიაკატასტროფის გამო მწუხარებას გამოთქვამს. სამგზავრო თვითმფრინავის ჩამოვადრნის შედეგად 66 ადამიანი დაიღუპა.
    კვირიკაშვილი: უდიდეს მწუხარებას გამოვთქვამ ირანში მომხდარი ავიაკატასტროფის გამო
  • თუ მარხვა სიმდაბლის ნაცვლად ამპარტავნებად გექცა, ამას სჯობს ყოველდღე ხორცი ჭამო. უფალი ამბობს, როცა მარხულობ, ნუ ეჩვენები ადამიანებს, ანუ სხვების მოსაჩვენებლად ნუ აკეთებ ამას, არამედ საიდუმლო იყოს შენი მარხვა. მარხვა ინდივიდუალური რამ არის. ყველა ადამიანი არის თავისებური თავისი ჯანმრთელობით, ოჯახური პირობებით, ფიზიკური და სულიერი შესაძლებლობებით. ამიტომ ეს არის ძალიან თავისებური რამ და ყველა თავისებურად მარხულობს. ჩვენ არ უნდა განვიხილოთ, ვინ როგორ მარხულობს და მეც ჩემს მარხვაზე არ უნდა ვისაუბრო და ვიმსჯელო, თუ როგორ ვმარხულობ. მარხვა ეს არის ერთერთი საშუალება სულის სიმდაბლის მოპოვების. თუკი სიმდაბლის ნაცვლად, მარხვა ამპარტავნებად გექცა, ამას სჯობს, ყოველდღე ხორცი ჭამო, ვიდრე ისეთნაირად იმარხულო, რასაც არავითარი აზრი არ აქვს

    საქართველოს კათოლიკოს-პატრიარქის ილია მეორის მოსაყდრე მეუფე შიო საკვირაო ქადაგებისას. მეუფე შიოს ამ კომენტარს სააგენტო ინტერპრესნიუსი ავრცელებს.
    მეუფე შიო: თუ მარხვა სიმდაბლის ნაცვლად ამპარტავნებად იქცა, სჯობს ყოველდღე ხორცი ჭამო
  • ჩემი ამოცანა დღეს, ხვალ, ზეგ და მაზეგაც არის ქართული ოცნების და ივანიშვილის გუნდის დამარცხება იმიტომ, რომ მხოლოდ ამას შეუძლია ჩვენი ქვეყნის უკუსვლა შეანელოს. ჩვენ გვაქვს მყარი ხედვა, რომ ბელადები თანამედროვე ქართულ პოლიტიკაში და პროდასავლურ პოლიტიკაში არ უნდა არსებობდნენ. ლიდერები უნდა არსებობდნენ, რა თქმა უნდა, მაგრამ უცვლელი და უპირობო ბელადები - არა. არსებობს შეხედულებები და ღირებულებები და უნდა არსებობდეს ნორმალური, ევროპული დემოკრატიული წესრიგი

    ევროპული საქართველოს დეპუტატი გიგა ბოკერია საზოგადოებრივი მაუწყებლის ეთერში, გადაცემაში "კვირის ინტერვიუ" პასუხობს ჟურნალისტის კითხვას, მიხეილ სააკაშვილის შესახებ
    ბოკერია: თანამედროვე ქართულ პოლიტიკაში უპირობო ბელადები არ უნდა არსებობდნენ
  • თუ ვინმეს დანაშაული აქვს ჩადენილი, ჩვენ ვიქნებით პირველები, ვინც იმოქმედებს. მე ყოველთვის ვამბობდი, რომ ჩვენთვის, ჩვენი გუნდისთვის მთავარი არის პროფესიონალიზმი, კეთილსინდისიერება და შესაბამისად ჩვენ ასეთ ადამიანებთან ვაპირებთ თანამშრომლობას.

    თბილისის მერის კახა კალაძის კომენტარი აუდიტის დასკვნის შესახებ, რომელიც ორშაბათს, 19 თებერვალს უნდა გამოქვეყნდეს.
    კალაძე: თუ ვინმეს დანაშაული აქვს ჩადენილი, ჩვენ ვიქნებით პირველი, ვინც იმოქმედებს
  • ვანო მერაბიშვილი არის პოლიტიკური პატიმარი და ზის ციხეში, მიუხედავად სტრასბურგის გადაწყვეტილებისა მე-18 მუხლთან დაკავშირებით. მე არ ვთვლი სწორად, ციხეში მჯდომი პოლიტმატიმრის ნაცვლად ვისაუბრო. მე იმედი მაქვს, რომ ის გამოვა ციხიდან და თვითონ გააკეთებს არჩევან. რომც მქონდეს ინფორმაცია და ვარაუდი [იმის შესახებ, თუ რომელ მხარეს აირჩევს ვანო მერაბიშვილი] პრინციპულად არასწორად მიმაჩნია, მის ნაცვლად საუბარი

    ევროპული საქართველოს წევრი გიგა ბოკერია საზოგადოებრივი მაუწყებლის ეთერში, გადაცემაში "კვირის ინტერვიუ". ჟურნალისტმა ბოკერიას ჰკითხა, ციხიდან გამოსვლის შემდეგ, რომელ მხარეს აირჩევს ყოფილი პრემიერმინისტრი, პოლიტპატიმარი ვანო მერაბიშვილი - ერთიან ნაციონალურ მოძრაობას თუ ევროპულ საქართველოს
    ბოკერია მერაბიშვილზე: პრინციპულად არასწორად მიმაჩნია პოლიტმატიმრის მაგიერ საუბარი
  • ჩვენ უნდა გავაანალიზოთ, რატომ არ შეიცვალა ხელისუფლება 2016 წელს. ყველამ ვიცით არალეგიტიმური ფაქტორები - ეს იყო ზეწოლა, რესურსების საკითხი. ჩვენ ხელისუფლების ლეგიტიმურობას ეჭვქვეშ არ ვაყენებთ, ეს ჩვენი ქვეყნის ინტერესების საწინააღმდეგო ნაბიჯი იქნებოდა და ჩვენ არ მოგვიგია არჩევნები, როგორც ასეთი და ჩვენი გამარჯვება არ მოუპარავს ხელისუფლებას, მაგრამ მან გამოიყენა ძალიან არალეგიტიმური მეთოდები, რომლებმაც დააზიანა ჩვენი ქვეყნის დემოკრატია იმ მომენტშიც და სამომავლოდაც. 

    ამ ყველაფრის გათვალისწინებით, დღეს ჩვენი, ევროპული საქართველოს ამოცანაა, იმ ტიპის უპირატესობას მიაღწიოს დემოკრატიულმა ოპოზიციამ, რომლის განეიტრალებაც ამ არალეგიტიმური მეთოდებითაც კი იქნება შეუძლებელი ივანიშვილის ხელისუფლებისთვის

    ევროპული საქართველოს დეპუტატი გიგა ბოკერია საზოგადოებრივი მაუწყებლის ეთერში, გადაცემაში "კვირის ინტერვიუ"
    ბოკერია: ისეთ უპირატესობას უნდა მივაღწიოთ, რომელსაც ხელისუფლება ვერ გაანეიტრალებს
  • ცუდია, როდესაც არის დიდი ჯგუფი ადამიანების, რომელსაც შენ არ მოსწონხარ. მთავარი პრინციპი, რომელიც უნდა ჰქონდეს ადამიანს არის ის, რომ რაც სწორად მიაჩნია პოლიტიკაში, საკუთარი გუნდისთვის და ქვეყნისთვის ის უნდა გააკეთოს. ამას შეიძლება ჰქონდეს ბევრი ან ნაკლები პოლიტიკური ფასი. პოლიტიკოსი უნდა ეცადოს, რომ კარგად შეძლოს ამის ახსნა, მე ამას ხშირად კარგად ვერ ვახერხებდი და ეს ობიექტურად ჩემი ბრალია და არა იმისი, ვისაც მე არ მოვწონვარ. უნდა ვეცადო, რომ გამოვსწორდე

    ევროპული საქართველოს დეპუტატი გიგა ბოკერია საზოგადოებრივი მაუწყებლის ეთერში, გადაცემა "კვირის ინტერვიუში". ბოკერია პასუხობს ჟურნალისტის კითხვას თავის პოპულარობაზე
    ბოკერია: ცუდია, როდესაც ადამიანების დიდ ჯგუფს არ მოსწონხარ, მაგრამ ეს ჩემი ბრალია