ვერბატიმი

  • ეს ცვლილება რომ შევიდეს კონსტიტუციაში, ამისთვის საჭიროა 200 000 ხელმოწერის შეგროვება, მე ვიწყებ ამ კამპანიას დღეიდან. ერთ წამში შევაგროვებ 200 000 ხელმოწერას, პირობას გაძლევთ, შევიტანთ და მივაღწევთ იმას, რომ არასოდეს საქართველოში არავინ აღარ გაიფიქროს, ვაზის ქვეყანა გადააქციოს მარიხუანას და ნარკოტიკების ქვეყანად

    ძალა ერთობაშიას საპრეზიდენტო კანდიდატი, ერთიანი ნაციონალური მოძრაობის წევრი გრიგოლ ვაშაძე ითხოვს, კონსტიტუციით "კატეგორიულად აიკრძალოს საქართველოში იმ მცენარეების კულტივაცია, რომლისგანაც შეიძლება ნარკოტიკების დამზადება".
    ვაშაძე: საკონსტიტუციო ცვლილებისთვის ერთ წამში შევაგროვებ 200 000 ხელმოწერას
  • თავიდანვე ასეთი პირი უჩანდა, რომ არანაირი დამოუკიდებელი კანდიდატი სალომე ზურაბიშვილი არ იქნებოდა. სალომე ზურაბიშვილი არის ულვაშებგაპარსული სერგო ორჯონიკიძე, არ გამოვრიცხავ, რომ სერგო ორჯონიკიძესაც ცისფერი თვალები ჰქონოდა, იმიტომ, რომ შავ-თეთრი ფოტოები გვაქვს მხოლოდ ნანახი. ეს არის მეხუთე კოლონის წარმომადგენელი, სუფთა რუსული პროექტი. ორჯონიკიძე შულავერიდან შემოვიდა და ესენი პირდაპირ ერეკლეს მოედანზე არიან დაბუდებულები, ქართული ოცნების ოფისში. სალომე ზურაბიშვილი ერთმნიშვნელოვნად რუსული პროექტია და ასევე, შეურაცხყოფაა ამ ქვეყნისთვის მისი კანდიდატურის დაყენება და ქართული ოცნებისგან მხარდაჭერა

    თბილისის მერობის ყოფილი კანდიდატი ალეკო ელისაშვილი პალიტრანიუსის გადაცემაში - 360 გრადუსი.
    ელისაშვილი: სალომე ზურაბიშვილი არის ულვაშებგაპარსული სერგო ორჯონიკიძე
  • პრეტენზია, მათ შორის ოპოზიციის და საზოგადოების მხრიდან, უკავშირდებოდა იმას, რომ საგამოძიებო ორგანოებმა ვერ გახსნეს საქმე ბოლომდე და ვერ დაადგინეს ბოლომდე ჭეშმარიტება, ვინ მიაყენა სასიკვდილო ჭრილობა დათო სარალიძეს. აქედან გამომდინარე კომისიამ დაისახა ამოცანად - ამ ჭეშმარიტების დადგენა, თუმცა, ყველამ ერთად ვიხილეთ სამი თვის თავზე, რომ კომისიამ ეს ჭეშმარიტება ვერ დაადგინა. ეს აჩენს ეჭვს, რომ რასაც ამბობდა გამოძიება, პროკურატურა, შსს, იყო მართალი. საუბარია იმაზე, რომ არსებობდა ობიექტური დაბრკოლებები, რომელიც ხელს უშლიდა ჭეშმარიტების დადგენას. აქედან გამომდინარე, ყველაფერს ნათლად გაეცა პასუხი და საუბარი ვინმეს პოლიტიკურ და მითუმეტეს, სისხლის სამართლებრივ პასუხისმგებლობაზე, არის, რა თქმა უნდა, ზედმეტი და ეს არის მხოლოდ სუბიექტური პოლიტიკური ინტერესებიდან გამომდინარე

    პარლამენტის თავმჯდომარე ირაკლი კობახიძე ხორავას ქუჩის საქმეზე.
    კობახიძე: კომისიამ ჭეშმარიტება ვერ დაადგინა, ჩნდება ეჭვი, რომ გამოძიება მართალი იყო
  • მათ უნდა დაგვიჭირონ მხარი, რადგან ჩვენც მართლმადიდებლები ვართ და ქართველებიც. ვერ ვხედავ მიზეზს, რატომ არ უნდა ვიყოთ ერთად. რუსეთი თავს დაესხა საქართველოსაც და უკრაინასაც. ჩვენ თანაბრად დავზარალდით და ერთად უნდა ვილოცოთ. ჩვენ გვჯერა, რომ საქართველოს ეკლესია ჩვენ ამ ლოცვაში შემოგვიერთდება

    განუცხადა კიევისა და სრულიად რუს-უკრაინის პატრიარქმა ფილარეტმა რუსთავი 2-ს
    უკრაინის პატრიარქი: ქართველებმა ავტოკეფალიის საკითხში მხარი უნდა დაგვიჭირონ
  • აუცილებლად შესატანი არის კონსტიტუციაში ცვლილება, რომელიც აკრძალავს საქართველოში კანაფის და ა.შ. ნარკოტიკებისთვის საჭირო მცენარეების სასოფლო-სამეურნეო კულტურად გამოცხადებას, მათ კურივაციას. არავითარ ექსპორტზე ეს გათვლილი არ არის, ესაა შიდა მოხმარებისთვის გათვლილი, იმისათვის, რომ ახალგაზრდა თაობა საერთოდ მოწყდეს სოციალურ, პოლიტიკურ, კულტურულ და ყველანაირ ცხოვრებას. ეს ცვლილება რომ შევიდეს კონსტირუციაში, ამისათვის საჭიროა 200 000 ხელმოწერის შეგროვება. მე ვიწყებ ამ კამპანიას დღეიდან, ერთ წამში შევაგროვებ 200 000 ხელმოწერას, პირობას გაძლევთ, შევიტან და მივაღწევთ იმას, რომ არასოდეს საქართველოში არავინ გაიფიქროს ვაზის ქვეყანა გადააქციოს მარიხუანის და ნარკოტიკების ქვეყანად.

    ამბობს ძალა ერთობაშიას საპრეზიდენტო კანდიდატი, ერთიანი ნაციონალური მოძრაობის წევრი, გრიგოლ ვაშაძე.
    ვაშაძე: არავინ გაიფიქროს ვაზის ქვეყანა გადააქციოს მარიხუანას ქვეყნად
  • ჩვენ ძალიან მოხარულები ვართ პრეზიდენტ ტრამპის გადაწყვეტილებით, ჰქონდეს დიალოგი რუსეთთან, იმიტომ რომ დიალოგს ალტერნატივა არ აქვს. მაგრამ, რა თქმა უნდა, უნდა გავითვალისწინოთ რეგიონული კონტექსტიც, იმიტომ რომ ტურბულენტობა იზრდება. მაგრამ, პირდაპირი ინტერაქცია რუსეთთან, ყველაზე მაღალ დონეზე, რაც შესაძლებელია, ვფიქრობ, რომ არის ნამდვილად პოზიტიური და ნაყოფიერი.

    ასე მამუკა ბახტაძემ Fox News-ის ჟურნალისტის, ბრეთ ბაიერის კითხვას უპასუხა ტრამპის ადმინისტრაციის დამოკიდებულების შესახებ რუსეთის მიმართ. "აშშ-ში პრეზიდენტ ტრამპის კრიტიკოსები ამტკიცებენ, რომ ის და მისი ადმინისტრაცია არ არის საკმარისად მკაცრი რუსეთის მიმართ. თქვენი გადმოსახედიდან, ფიქრობთ თუ არა,...
    ბახტაძე: ტრამპის პირდაპირი ინტერაქცია რუსეთთან პოზიტიური და ნაყოფიერია
  • თუ საქართველოს მომავალის, ქართული ახალგაზრდობის ფიზიკური დაცვის, ქართველი ხალხის დაცვის გაწყვეტისგან, ეს არის იაფფასიანი პოპულიზმი და მოდური არ არის ზოგიერთ პოლიტიკურ სექტებში, მაშინ მე ამაყად არამოდური ვიქნები, იმიტომ, რომ ვიყავი, ვარ და ყოველთვის ვიქნები ნარკოტიკებთან ბრძოლის მომხრე და მეორეც ერთი, მიხეილ სააკაშვილის და საერთოდ „ნაციონალური მოძრაობის“ ხელისუფლებამ ქვეყანაში შემოიტანა სიტყვის თავისუფლება და ჩვენ ცენზორები არ გვჭირდება. განსაკუთრებით ცენზორები არ გვჭირდება იმ პოლიტიკური დაჯგუფებისგან, რომელსაც თავისი საპრეზიდენტო კანდიდატი ჰყავს და კარგი იქნება, ეს საპრეზიდენტო კანდიდატი გააკონტროლონ, მას ელაპარაკონ და ჭკუა დაარიგონ. თუ ვიღაცას ლიბერალიზმი ეშლება იმაში, რომ ადამიანს არ უნა ჰქონდეს პატრიოტიზმი, არ უნდა უყვარდეს თავისი ქვეყანა, არ უნდა ზრუნავდეს ახალგაზრდა თაობის მომავალზე და გაემიჯნოს საზოგადოებას მხოლოდ იმიტომ, რომ საზოგადოებასთან ერთად ეკლესია დგას. საქართველოს მართლმადიდებლური სამოციქულო ეკლესია, დიდი ბოდიში მომითხოვია მაგრამ მე ამაზე უარს ვერ ვიტყვი, რადგან ეს არის ჩემი პოზიცია. 

    ამბობს ძალა ერთობაშიას საპრეზიდენტო კანდიდატი, ერთიანი ნაციონალური მოძრაობის წევრი, გრიგოლ ვაშაძე რუსთავი2-თან.
    ვაშაძე: ამაყად არამოდური ვიქნები, იმიტომ რომ ვარ და ვიქნები ნარკოტიკებთან ბრძოლის მომხრე
  • კონკორდატში, ქალბატონო სალომე, არ წერია უზნეობაზე ხმა არ ამოიღოო. პირიქით, თუ ვინმე საზოგადოებას, ჩვენს მრევლს გადაცდომისკენ მოუწოდებს, მოვალე ვართ ჩვენ იგი ვამხილოთ. ეს მუქარა, რომელსაც თქვენ გამოთქვამთ წმინდა სინოდის მიმართ, კიდევ ერთი დასტურია იმისა, თქვენი გაპრეზიდენტების შემთხვევაში თუ როგორი საშიში გახდებით ქართველი ერისა და ეკლესიის მიმართ. თქვენ ბრძანეთ ერთ-ერთ გამოსვლაში, რომ თურმე ეპისკოპოსები და სამღვდელოება უსახურ ტაძრებს ვაშენებთ და იქვე დასძენთ: რად გინდათო ამდენი ტაძრების აშენება, როცა უამრავი გაჭირვებულიაო საქართველოში, ხომ არ აჯობებდა ეს ფული მათთვის გამოვიყენოთო. მინდა შეგახსენოთ, რომ იუდამაც ზუსტად ასეთი სიტყვები უთხრა მაცხოვარს, როცა მარიამ მაგდალინელმა ნელსაცხებელი ცხო უფალს ფეხებზე. ამ და სხვა თქვენი გამოსვლებიდან გამომდინარე, ჩვენ და ქართველ საზოგადოებას გამოგვაქვს დასკვნა, რომ თქვენი პრეზიდენტობა არ შეიძლება. ეს არ არის პოლიტიკა, ეკლესია არც ერთი პოლიტიკური პარტიისკენ არ იშვერს ხელს და ხალხს არ მოუწოდებს ხმა მას მიეცითო, მაგრამ რაც შეეხება იმ მოვლენებს, მოწოდებებს, ფუჭ დაპირებებს, ქართველი ერის დეგრადაციას, მათი მოთხოვნების უგულობელყოფას, ამაზე ჩვენ ვერ გავჩუმდებით, თვალს ვერ დავხუჭავთ, გამხელთ სიყვარულით და მოგიწოდებთ სინანულისკენ. ამიტომ გვაკურთხა ჩვენ ღმერთმა უფალმა იესო ქრისტემ, რათა სიმართლე და ჭეშმარიტება ვიქადაგოთ

    შემოქმედელი მიტროპოლიტი იოსები პრეზიდენტობის კანდიდატ სალომე ზურაბიშვილის განცხადებას ეხმაურება
    მეუფე იოსები ზურაბიშვილზე: თქვენი პრეზიდენტობა არ შეიძლება, საშიშია ეკლესიისთვის
  • როგორც ჩანს იმდენად დიდია ხელისუფლებაში მოკალათებული ადამიანების სიხარბე, რომ კვლავ აპირებენ კანაფის კულტივაციის შესახებ კანონის გათრევას. ჩვენ მოვითხოვთ, რომ დღესვე დაუყოვნებლივ იქნას  ეს კანონი გაწვეული პარლამენტიდან. აბსოლუტურად უტიფარი განცხადება იყო  იუსტიციის მინისტრის ქალბატონ  წულუკიანის, რომელმაც  თქვა, რომ თუ კი რაღაც ფულს იშოვის საწყალი ორ კაპიკს, დათესოს კანაფი, მერე რაო. თქვენ გგონიათ, რომ ის მართლაც ასეთი სულელია, რომ ასეთ განცხადებებს აკეთებს. არ არის ის სულელი, რამდენიც ზემოთ არის ორი იმდენი არის ქვემოთ. დაავალა ივანიშვილმა

    ენმ-ის წევრი რომან გოცირიძე იუსტიციის მინისტრის თეა წულუკიანის განცხადებაზე. ცნობისთვის, თეა წულუკიანმა მარიხუანის კულტივაციაზე თქვა, რომ "თუ ეკონომიკურ მდგომარეობას შვებას მისცემს, რატომაც არა."
    გოცირიძე წულუკიანზე: რამდენიც ზემოთ არის, ორი იმდენი არის ქვემოთ
  • ...სერიოზულად თუ შევხედავთ, ყველა მხრიდან ფარისევლობის ზეიმია. სალომე ზურაბიშვილი ახლა გააბრაზა ეკლესიის გაპოლიტიკურებამ, მას რომ შეეხნენ: 2012-ში ფაქტობრივად მისი პარტია, „ქართული ოცნება“ ეკლესიის აქტიური დახმარებით (შეიძლება, ამ დახმარების წყალობით) რომ მოვიდა ხელისუფლებაში, მაშინ არ იყო პრობლემა. ასევე, გამახსენეთ, პატრიარქი 2012-ში საჯაროდ თუ უბრაზდებოდა საკუთარი ეკლესიის მსახურებს, პოლიტიკაში ნუ ერევითო.

    მიხეილ სააკაშვილი ხელისუფლებაში ყოფნის დროსაც ცდილობდა ეკლესიის მეგობრად თავის წარმოჩენას - გასაკვირი აქ არაფერია. მაგრამ ახლა რასაც აკეთებს, სასოწარკვეთის ჟესტია. მისივე ჩამომგდები ეკლესიის იმედი თუ აქვს, რომ ხელისუფლებაში დაბრუნდეს, ესე იგი ცუდადაა მისი საქმე.

    რაც მთავარია, სწორი და სამართლიანი რაა, ის ვთქვათ. ღვთისმსახურებს სრული უფლება აქვთ, პოლიტიკური განცხადებები აკეთონ, როგორც ნებისმიერ მოქალაქეს შეუძლია. კონკორდატს მათთვის ამის უფლება არ ჩამოურთმევია, სალომე ზურაბიშვილი ამაშიც ცდება. შეიძლება, ამით შიდასაეკლესიო დისციპლინას არღვევენ - ამისთვის უწმინდესმა სინოდმა ან მისმა გენერალურმა ინსპექციამ დასაჯოს, ეს არაა ჩემი საქმე

    პოლიტოლოგი გია ნოდია Facebook-ში წერს.
    ნოდია: სააკაშვილს თუ მისივე ჩამომგდები ეკლესიის იმედი აქვს, ცუდადაა მისი საქმე
  • “ქართული ოცნების“ კანდიდატი ეკლესიას რომ აკრიტიკებს და მიხეილ სააკაშვილი ეკლესიას მისგან რომ იცავს, არის ამაში რაღაც ფანტასმაგორიული. ამას ისიც ემატება, რომ პატრიარქი ფაქტობრივად აღიარებს სალომე ზურაბიშვილის კრიტიკას და მღვდლებს მოუწოდებს, პოლიტიკურ განცხადებებს ნუ აკეთებთო. ანუ სააკაშვილი უფრო მედგრად იცავს ეკლესიას, ვიდრე პატრიარქი.

    შეგვიძლია, ვუყუროთ და გავერთოთ. კომედიური შოუებისთვის შესანიშნავი მასალაა.

    მაგრამ სერიოზულად თუ შევხედავთ, ყველა მხრიდან ფარისევლობის ზეიმია. სალომე ზურაბიშვილი ახლა გააბრაზა ეკლესიის გაპოლიტიკურებამ, მას რომ შეეხნენ: 2012-ში ფაქტობრივად მისი პარტია, „ქართული ოცნება“ ეკლესიის აქტიური დახმარებით (შეიძლება, ამ დახმარების წყალობით) რომ მოვიდა ხელისუფლებაში, მაშინ არ იყო პრობლემა. ასევე, გამახსენეთ, პატრიარქი 2012-ში საჯაროდ თუ უბრაზდებოდა საკუთარი ეკლესიის მსახურებს, პოლიტიკაში ნუ ერევითო.

    მიხეილ სააკაშვილი ხელისუფლებაში ყოფნის დროსაც ცდილობდა ეკლესიის მეგობრად თავის წარმოჩენას - გასაკვირი აქ არაფერია. მაგრამ ახლა რასაც აკეთებს, სასოწარკვეთის ჟესტია. მისივე ჩამომგდები ეკლესიის იმედი თუ აქვს, რომ ხელისუფლებაში დაბრუნდეს, ესე იგი ცუდადაა მისი საქმე.

    რაც მთავარია, სწორი და სამართლიანი რაა, ის ვთქვათ. ღვთისმსახურებს სრული უფლება აქვთ, პოლიტიკური განცხადებები აკეთონ, როგორც ნებისმიერ მოქალაქეს შეუძლია. კონკორდატს მათთვის ამის უფლება არ ჩამოურთმევია, სალომე ზურაბიშვილი ამაშიც ცდება. შეიძლება, ამით შიდასაეკლესიო დისციპლინას არღვევენ - ამისთვის უწმინდესმა სინოდმა ან მისმა გენერალურმა ინსპექციამ დასაჯოს, ეს არაა ჩემი საქმე.

    მეორე ამბავია, რომ უნდა შევეჩვიოთ, რომ ეკლესიისგან წამოსული კრიტიკა პოლიტიკოსისთვის სავალდებულოდ მისაღები არ უნდა იყოს. საქართველოში ესაა ნამდვილი პრობლემა. კი, ხელისუფლებამ უნდა მოუსმინოს ეკლესიასაც, ახალგაზრდა და არაახალგაზრდა იურისტთა ასოციაციებსაც, ბიზნესმენებსაც, პროფკავშირებსაც, და მერე ის გადაწყვეტილება მიიღოს, რაც თვითონ სწორად მიაჩნია. ნორმალური ესაა, და არა ეკლესიისთვის რაღაცის აკრძალვა

    პოლიტოლოგი გია ნოდია Facebook-ში წერს.
    ნოდია: სალომე ზურაბიშვილი ახლა გააბრაზა ეკლესიის გაპოლიტიკურებამ, მას რომ შეეხნენ
  • მნიშვნელოვანია ჩემთვის პირადად რომ ამ საკითხის [მარიხუანის კულტივაცია] განხილვა მოხდეს რაც შეიძლება მშვიდ და ემოციებისგან დაცლილ გარემოში. მესმის რომ ჩვენთვის და ჩემთვისაც მათ შორის, ყველასთვის ეს თემა ვერ იქნება ის თემა, რომლის მიმართაც ვინმე გულგრილი იქნება, მაგრამ ეს იმდენად კომპლექსური და მნიშვნელოვანი საკითხია, რომ ჩვენ ყველამ ერთად უნდა გადავწყვიტოთ რა ჯობს ჩვენი ქვეყნის მომავალი განვითარებისთვის, შევაფასოთ ეკონომიკური შედეგი ამ რეფორმის. თუ ყველა ერთად ჩავთვლით რომ ეს ის შედეგია, რომელიც ჩვენს საკმაოდ შეჭირვებულ ეკონომიკურ მდგომარეობას საზოგადოებისა შვებას მისცემს და მკაცრი კონტროლის ქვეშ უზრუნველყოფს სახელმწიფო იმას რომ შიდა ბაზარზე ეს ნივთიერება არ გავრცელდეს. შეიძლება ჩავთავლოთ, რომ რატომაც არა. 

    მე არ ვთვლი, რომ რაიმე სანერვიულო არის წინასწარ ან პანიკის საფუძველი არსებობს, რადგან მთავრობის საკანონმდებლო ინიციატივის მიზანი იყო ერთადერთი რომ ჩვენმა ეკონომიკამ, რაკი ჩვენ გვაქვს ძალიან მნიშვნელოვანი გამოცდილება სასოფლო სამეურნეო ინდუსტრიის სფეროში, დაიკავოს საერთაშორისო ეკონომიკაში გარკვეული ნიშა ან ნიშები, რაც შემოუტანს შემოსავალს ჩვენს ქვეყანას

    ამბობს იუსტიციის მინისტრი თეა წულუკიანი.
    წულუკიანი მარიხუანის კულტივაციაზე: თუ ეკონომიკურ მდგომარეობას შვებას მისცემს, რატომაც არა
  • ჩვენ აუცილებლად ვაპირებთ, მოვითხოვთ და შევიტანთ ამ ინიციატივას - ჩვენს კონსტიტუციაში შევიდეს ცვლილება, რომელიც კატეგორიულად აკრძალავს საქართველოში იმ მცენარეების კულტივაციას, რომლისგანაც შეიძლება ნარკოტიკების დამზადება. ეს ჩვენი ერის დაღუპვის პირდაპირი გზაა, თუ ქართული ოცნების ეს ინიციატივა და ეს ბოდვითი იდეები განხორციელდა. ქართული ერის განადგურებას ნარკოტიკებით ჩვენ არ დავუშვებთ

    ძალა ერთობაშიას საპრეზიდენტო კანდიდატი, ერთიანი ნაციონალური მოძრაობის წევრი გრიგოლ ვაშაძე.
    ვაშაძე: კონსტიტუციით აიკრძალოს იმ მცენარეების კულტივაცია, რომლისგანაც ნარკოტიკები მზადდება
  • ეს არჩევნები დამთავრდება ჩვეულებრივად, გაიმარჯვებს სალომე ზურაბიშვილი, დარჩება ზოგიერთი გაღიმებული და ცხოვრება გაგრძელდება, თუ რამე დანაშაულს ჩაიდენს, თუ რამე არასწორს ჩაიდენს, თუ რამე კანონდარღვევას ჩაიდენს, სალომე ზურაბიშვილი კი არა, არ გადავეფარებ იმას... ის რო გაცოცხლდეს...

    ქართული ოცნების დეპუტატი ზაზა პაპუაშვილი TV პირველის ეთერში.
    პაპუაშვილი: გაიმარჯვებს სალომე ზურაბიშვილი, დარჩება ზოგიერთი გაღიმებული
  • ამიტომ არ ვერევი და ამიტომ ხშირად არ ვჩნდები, ტელევიზორში გამოსვლა უკვე მე პირადად, მრცხვენია. ისეთი კითხვები ისმევა, ისეთ თემებზეა ლაპარაკი, თითქოს სხვა საკითხი და საზრუნავი ქვეყანას არ უნდა ჰქონდეს, როგორც აი, ჩართავ ტელევიზორს და სულ გენდერულ კვოტებზე, ელგებეტე, ნარკომანია, სხვა თემები თითქოს არ უნდა იყოს...

    ქართული ოცნების დეპუტატის ზაზა პაპუაშვილის დისკრიმინაციული განცხადება TV პირველის ეთერში.
    პაპუაშვილი: ტელევიზორში სულ გენდერული კვოტები, ელგებეტე, ნარკომანია, სხვა თემები არ არის?
  • სალომე ზურაბიშვილს, რომელიც დაიბადა იქით, იმ სამყაროში, რომელსაც თავისუფალი სამყარო ერქვა, გაიზარდა საქართველოს განცდით. მთელი თავის ცხოვრება საქართველოს სიყვარული გულით ატარა, ჩამოვიდა ამ ქვეყანაში, გახდა საგარეო საქმეთა მინისტრი. მისი ხელმოწერით და მისი უშუალო ადვოკატირებით დაჩქარდა რუსული ჯარების გაყვანის პროცესი. ადამიანი, რომელიც გადადგა და იმ უპასუხისმგებლობას დაუპირისპირდა, რასაც ამ ქვეყანაში ერქვა ადამიანის უფლებების დარღვევა და ერთ-ერთი აქტიური მხარდამჭერი იყო ადამიანის უფლებების დაცვის ამ ქვეყანაში, ბოლომდე მიდიოდა იმ რეჟიმის წინააღმდეგ. მე ძალიან ღრმად ვარ დარწმუნებული, რომ ქალბატონი სალომე ზურაბიშვილი გაიმარჯვებს. ქალბატონი სალომე ზურაბიშვილი არის ძალიან ღირსეული ადამიანი თავისი განვლილი ცხოვრების გზით. მას აქვს მკაფიო პოზიცია რუსეთის აგრესიასთან დაკავშირებით. მე დიდი იმედი მაქვს, რომ ქართული საზოგადოება მას გამოუცხადებს სრულ მხარდაჭერას

    საპარლამენტო უმრავლესობის წევრი ლევან გოგიჩაიშვილი.
    გოგიჩაიშვილი: სალომე ზურაბიშვილმა მთელი თავის ცხოვრება საქართველოს სიყვარული გულით ატარა
  • გულწრფელად გეტყვით, არავითარი კონსულტაციები არ მიგვყავს ახლა ჩვენ. პირდაპირ შემიძლია ვთქვა, გედი ფოფხაძისთვის არაფერი არ შემითავაზებია. ბატონო გედი შეგიძლიათ მშვიდად იყოთ. თქვენც იგივეს დამიდასტურებთ, რომ შემითავაზებია თქვენთვის გადმოსვლა ჩვენთან. ასევე არაფერი არ შეგვითავაზებია ბატონი ჭიჭინაძესთვის. არ დავლაპარაკებივარ და არცერთ სხვა დეპუტატსაც

    ამბობს "პატრიოთთა ალიანსის" ლიდერი ირმა ინაშვილი. იმის გამო, რომ დეპუტატმა ნატო ჩხეიძემ "პატრიოტთა ალიანსი" დატოვა, შესაძლოა ფრაქცია დაიშალოს. ჩხეიძემ პარლამენტის პლენარულ სხდომაზე თქვა, რომ ტელეკომპანია „იბერიას“ საკითხზე „პატრიოტთა ალიანსის“ მხრიდან არასათანადო მხარდაჭერის გამო ფრაქცია დატოვა...
    ინაშვილი: ფოფხაძისთვის არაფერი შემითავაზებია, ბატონო გედი შეგიძლიათ მშვიდად იყოთ
  • ჩვენ სხვაგვარად ვხედავთ რეალობას. ქალბატონი ნატო სხვაგვარად ხედავს რეალობას. არასათანადო მხარდაჭერა არ გამოვუცხადეთ- ჩვენ ასე არ ვფიქრობთ. მისი სუბიექტური აღქმა ასეთია. სადავოც არაფერი არ არის ამ შემთხვევაში. ჩვენ არასდროს არ დაგვიხუჭავს თვალი. პარლამენტის ტრიბუნიდან გვისაუბრია იმაზე რომ ბიზნესში რთული პრობლემებია და გვილაპარაკია ბევრ მწვავე თემაზე იგივე აქციზების თემაზე გადასახადების მომატებაზე, მაგრამ ეს არ არის აქტუალური ამ შემთხვევაში. აქტუალურია ის, რომ ჩვენი ფრაქცია ამ ეტაპზე შენარჩუნებულია როგორც ფრაქცია. ქალბატონმა ნატომ დატოვა პარტია მაგრამ არა ფრაქცია ამ ეტაპზე. მე გითხარით, რომ ნაადრევი იყო კაპანაძე-ბოკერიას სიხარული. საერთოდაც, მომავალშიც ნაადრევი იქნება

    ამბობს "პატრიოტთა ალიანსის" ლიდერი, ირმა ინაშვილი, დეპუტატ ნატო ჩხეიძის მიერ ფრაქციის დატოვების მიზეზებზე. ჩხეიძემ პარლამენტის პლენარულ სხდომაზე თქვა, რომ ტელეკომპანია „იბერიას“ საკითხზე „პატრიოტთა ალიანსის“ მხრიდან არასათანადო მხარდაჭერის გამო ფრაქცია დატოვა. 
    ინაშვილი ჩხეიძის მიერ ფრაქციის დატოვებაზე: ჩვენ სხვაგვარად ვხედავთ რეალობას
  • მღვდელმთავრები რომ გავხდით, ეს იმას კი არ ნიშნავს, რომ ჩვენ მოქალაქეები არ ვართ ამ ქვეყნისა, როგორც მოქალაქეები და მერე მეორე, ჩვენ, ჩვენს სულიერ მრევლს რაც ეხება, ყველაფერი გვეხება, სულიერი მრევლის დეგრადაციას რაც ეხება, ყველაფერი გვეხება

    ვანისა და ბაღდათის მიტროპოლიტი, მეუფე ანტონი პრეზიდენტობის ქართული ოცნების მიერ მხარდაჭერილი კანდიდატის სალომე ზურაბიშვილის განცხადებაზე, რომლის მიხედვითაც, "როგორ შეიძლება, ეკლესია ამ დონეზე იღებდეს მონაწილეობას საარჩევნო კამპანიაში". ზურაბიშვილმა გადაცემაში - "პირისპირ" - თქვა, რომ ამაზე ექნება...
    მეუფე ანტონი ზურაბიშვილს: სულიერი მრევლის დეგრადაციას რაც ეხება, ყველაფერი გვეხება
  • მღვდელმთავრები რომ გავხდით, ეს იმას კი არ ნიშნავს, რომ ჩვენ მოქალაქეები არ ვართ ამ ქვეყნისა, როგორც მოქალაქეები და მერე მეორე, ჩვენ, ჩვენს სულიერ მრევლს რაც ეხება, ყველაფერი გვეხება, სულიერი მრევლის დეგრადაციას რაც ეხება, ყველაფერი გვეხება.

    რატომ ფიქრობს ასე, რატომ აქვს ასეთი აზროვნება, არ ვიცი, რას ჰქვია, ჩვენ არ გვეხება, მრევლი ვის ეხება? მრევლის კეთილდღეობა, მრევლის საზრუნავი ვის ეხება? ეკლესიას არ ეხება? საიდან მოაქვს ეს დასკვნები? ალბათ, ნუ, აშკარაა, ფაქტია, უჭირს აზროვნებაში

    ვანისა და ბაღდათის მიტროპოლიტი, მეუფე ანტონი რუსთავი 2-თან საუბარში, პრეზიდენტობის ქართული ოცნების მიერ მხარდაჭერილი კანდიდატის სალომე ზურაბიშვილის განცხადებას აფასებს, რომლის მიხედვითაც, "როგორ შეიძლება, ეკლესია ამ დონეზე იღებდეს მონაწილეობას საარჩევნო კამპანიაში და სხვათაშორის, როგორც პრეზიდენტი...
    მეუფე ანტონი ზურაბიშვილზე: მრევლის საზრუნავი ეკლესიას არ ეხება? ფაქტია, უჭირს აზროვნებაში
  • პოლიტიკაში ვმონაწიელეობთ ყველა, ერიც და ბერიც. ნურავინ დაიბოლებს თავს და ჩვენც ნუ დაგვაბლებს, სასულიერო პირები აპოლიტიკრები არიანო.

    ასე არქიმანდრიტი ბართლომე ფირცხალაიშვილი პოლიტიკოსების განცხადებებს ეხმაურება იმასთან დაკავშირებით, არიან ან უნდა იყვნენ თუ არა სასულიერო პირები პოლიტიკაში ჩართულები. ქართული ოცნების მიერ მხარდაჭერილმა პრეზიდენტობის კანდიდატმა, სალომე ზურაბიშვილმა 18 სექტემბერს თქვა, რომ სასულიერო პირები "ერევიან...
    მამა ბართლომე: ნურავინ დაიბოლებს თავს, სასულიერო პირები აპოლიტიკურები არიანო
  • გული გამისკდა, რო დავინახე ახალგაზრდა, განსაკუთრებით გოგონები, ქალბატონები რომლებიც მოადგნენ იმ დღეს სალომე ზურაბიშვილის შტაბის პრეზენტაციის დროს ამ ტერიტორიას და ხელში პლაკატებით... ვინ არი, რომელი უფროსი თაობის ადამიანები არიან, ვინც შთააგონა ახალგაზრდებს, რომ ასეთი პლაკატებით შეიძლება ადამიანზე მიიტანო შეტევა. მაშინ როდესაც არათუ არგუმენტი არაგაქ, საპირისპირო არგუმენტები ბევრი არსებობს. ასე რო, უბედურებაში ვართ გახვეული და მე ვფიქრობ, რომ ეს არჩევნები კიდევ ერთ ნაბიჯს გადადგამს, რომ ამ უბედურებას თავი დავაღწიოთ

    "ქართული ოცნების" დეპუტატი, გიორგი ვოლსკი პარლამენტის პლენარულ სხდომაზე სალომე ზურაბიშვილის შტაბის გახსნის დღეს გამართულ აქციას გამოეხმაურა. ახალგაზრდებს ხელში ეჭირათ პლაკატები წარწერით: "შენ ხარ მოღალატე", "მოღალატე".
    ვოლსკი: გული გამისკდა, ახალგაზრდები, განსაკუთრებით გოგონები რომ მოადგნენ ზურაბიშვილის შტაბს
  • როგორც ჩანს, უმრავლესობის პატივცემულ წარმომადგენლებს გონიათ, რომ ადამიანი ფიზიკურად მოსკოვში უნდა იმყოფებოდეს იმისთვის, რომ სუკ-მა აიძულოს, საკუთარ ინტერესებზე იმუშაოს. ადამიანი ვისზე მუშაობს, მათ შორის პოლიტიკოსი და დიპლომატი, მსჯელობენ მისი საქციელის შედეგებიდან და პოზიციებიდან გამომდინარე. თქვენ, ქართული ოცნება, მხარს უჭერთ საქართველოს პრეზიდენტის პოსტზე ასარჩევად, უკანასკნელად პირდაპირი არჩევის გზით ამ ქვეყანაში, კანდიდატს, რომელიც აცხადებს, რომ საკუთარი სახელმწიფო, საქართველო არის დამნაშავე 2008 წლის ომის დაწყებაში. ეს არის სწორედ სუკ-ის და კრემლის საოცნებო სცენარი. ამიტომ, სანამ ურცხვად და მდაბიოდ გაიშვერთ ხელს ვინმეს მიმართულებით, გააანალიზეთ, რა შედეგები მოჰყვება ქალბატონ სალომე ზურაბიშვილის არჩევას საქართველოს პრეზიდენტის პოსტზე. მე შემიძლია დაგარწმუნოთ, რომ ეს შედეგები იქნება საქართველოს ტერიტორიული მთლიანობისთვის იურიდიული საფუძვლის ძირის გამოთხრა და საქართველოს სახელმწიფო ინტერესების საშვილთაშვილოდ დაზიანება. არანაირი მნიშვნელობა არ აქვს, დღეს რა ტექსტებს წაიკითხავს სალომე ზურაბიშვილი, თქვენ მიერ დაქირავებული კონსულტანტების მომზადებულს, იმიტომ რომ რაც მან უკვე გააკეთა, უკვე ისეთი ზიანი აქვს ჩვენს სახელმწიფოს მიღებული, ამისი გამოსწორება იქნება ძალიან რთული. ასე რომ, ქალობის გარდა რამე სხვა ღირსებაც უნდა გააჩნდეს კანდიდატს, იმისთვის, რომ ვინმემ ჩათვალოს, რომ დრო დადგა საქართველოში ქალი პრეზიდენტის არჩევის. ამ ქალის არჩევის დრო საქართველოში ჯერ არ დამდგარა და არც არასდროს დადგება. 

    თქვა ერთიანი ნაციონალური მოძრაობის დეპუტატმა, სალომე სამადაშვილმა პარლამენტში სიტყვით გამოსვლისას. მან ქართული ოცნების დეპუტატს, სოფო კილაძეს უპასუხა, რომელმაც თქვა, რომ: "ზურაბიშვილს თავს ესხმიან, როგორც ქალ პოლიტიკოსს. პირველ რიგში ნაციონალური მოძრაობა და მისი დანაყოფები ახორციელებენ თავდასხმას...
    სამადაშვილი ზურაბიშვილზე: კანდიდატს, ქალობის გარდა, სხვა ღირსებაც უნდა გააჩნდეს
  • სალომე ზურაბიშვილი - ქალი პოლიტიკოსი, ქალი პრეზიდენტობის კანდიდატი. ზოგადად, ჩვენი ტრადიცია არის ქალის პატივისცემა, ასევე, მსოფლიოში ძირითადი უფლებრივი მიმართულება არის ქალთა უფლებებისთვის ბრძოლა და ქალთა პოლიტიკური ჩართულობის გაუმჯობესება. მიუხედავად ამისა, ჩვენ ვხედავთ, რომ ქალზე, პოლიტიკოსზე, მიმდინარეობს ყველაზე უღირსი ფორმებით თავდასხმა, თავდასხმა მხოლოდ იმის გამო, რომ სალომე ზურაბიშვილი არის ქალი. ძალიან ბევრი პოლიტიკური ძალა, პირველ რიგში ნაციონალური მოძრაობა და მისი დანაყოფები ახორციელებენ თავდასხმას და ეს ხდება ყველაზე უღირსი ფორმებით, რაც, ყველაზე რბილად რომ ვთქვათ, არის ამორალური. ქალთა პოლიტიკურ ჩართულობას პირდაპირ უნდა მიესალმებოდნენ ევროპულ და პროდასავლურ პოლიტიკოსობაზე პრეტენზიის მქონეები და ხელს უნდა უწყობდნენ, რაც შეიძლება მეტი ქალი მოვიდეს პოლიტიკაში. ქალთა პოლიტიკური ჩართულობა, როგორც უამრავი კვლევა ადასტურებს, ხარისხობრივად აუმჯობესებს გადაწყვეტილების მიღებას პოლიტიკაში, არის უფრო ჰუმანური და სოციალურად ორიენტირებული, რაც უფრო კარგად აისახება მოსახლეობის ცხოვრების დონის გაზრდაზე. მე ძალიან მიხარია, რომ ჩვენმა პოლიტიკურმა ძალამ ქალ პოლიტიკოსს დაუჭირა მხარი და ჩვენ გვეყოლება პრეზიდენტი, რომელიც იქნება პირველად ისტორიაში, ქალი. 

    თქვა პარლამენტის ადამიანის უფლებათა კომიტეტის თავმჯდომარემ, სოფო კილაძემ პარლამენტის პლენარულ სესიაზე.
    სოფო კილაძე: ზურაბიშვილს თავს ესხმიან, როგორც ქალ პოლიტიკოსს
  • საზოგადოების ნებისმიერ წევრს და მათ შორის სასულიერო პირებსაც სრული უფლება აქვთ პოზიცია ჰქონდეთ ნებისმიერ მიმდინარე მწვავე დისკუსიაში, მაგრამ ეკლესიას, როგორც ინსტიტუტს არ აქვს ვეტოს უფლება. ჩემთვის მიუღებელია პოლიტიკური ოპონენტების წინააღმდეგ, ვინც არ უნდა იყოს ის, თუნდაც სალომე ზურაბიშვილი ეკლესიისა და რელიგიური გრძნობების გამოყენება.

    ევროპული საქართველოს წევრი, გიგა ბოკერია მარიხუანას ლეგალიზაციასთან დაკავშირებით სასულიერო პირების განცხადებებს ეხმაურება. ის ასევე საუბრობს ქართული ოცნების საპრეზიდენტო კანდიდატის, სალომე ზურაბიშვილის განცხადებაზე, რომელმაც გუშინ, 18 სექტემბერს თქვა, რომ სასულიერო პირები "ერევიან იმაში, რაც არაა...
    ბოკერია: პოლიტიკური ოპონენტის წინააღმდეგ ეკლესიის გამოყენება მიუღებელია
  • რა თქმა უნდა, სახელმწიფო და ეკლესია არის გამოყოფილი ერთმანეთისგან, მაგრამ ნარკოტიკების ლეგალიზაცია არ არის ის თემა, სადაც გადაწყვეტილება უნდა მიიღოს მხოლოდ ხელისუფლებამ. ეს არის თემა, რომელიც აღელვებს და აწუხებს მთელ საზოგადოებას, მათ შორის რა თქმა უნდა აღელვებს და აწუხებს ეკლესიას და სასულიერო პირებს. ამიტომ ქალბატონი ზურაბიშვილის განცხადება, რომ ის გააპროტესტებს სასულიერო პირების ჩართულობას ამ პროცესში, ნიშნავს მხოლოდ იმას, რომ ქალბატონ ზურაბიშვილს წარმოდგენა არ აქვს რა აწუხებს დღეს ჩვენ საზოგადოებას და როგორი დამოკიდებულებაა ქვეყანაში ნარკოტიკების მიმართ და წარმოდგენა არ აქვს რა როლს ასრულებს და რა ადგილი უჭირავს ქართულ ეკლესიას ჩვენი საზოგადოების ცხოვრებაში

    ევროპული საქართველოს საპრეზიდენტო კანდიდატი, დავით ბაქრაძე ქართული ოცნების საპრეზიდენტო კანდიდატის, სალომე ზურაბიშვილის განცხადებას ეხმაურება. სალომე ზურაბიშვილმა გუშინ, 18 სექტემბერს თქვა, რომ სასულიერო პირები "ერევიან იმაში, რაც არაა მათი საქმე და რაშიდაც არ უნდა ერეოდნენ", მონაწილეობენ საარჩევნო...
    ბაქრაძე: ლეგალიზაცია აწუხებს ეკლესიას, საზოგადოებას, მარტო ხელისუფლებამ არ უნდა გადაწყვიტოს
  • ნარკოტიკის ლეგალიზაციას რაც შეეხება, ეს არის ქვეყნის ავღანიზაცია, ქვეყნის კოლუმბიზაცია და ქვეყნის პაკისტანიზაცია. ნარკოტიკი იქნება კიდევ ერთი ნაღმი ჩვენს ქვეყანაში, ავტონომიური ოლქები ხომ ნაღმი იყო, რამაც ააფეთქა, აი ეს ჩვენს ქვეყანას აქცევს საბრძოლო პოლიგონად, როგორც ავღანეთი, როგორც კოლუმბია. ამის შემოტანა, ნებსით თუ უნებლიეთ, ზოგს შეიძლება, არ ესმის და ზოგს ესმის, არის ქვეყნის დაღუპვა. სამკურნალო დაწესებულებები უნდა შეიქმნას, სადაც იქნება მათი მკურნალობა. იმის გამო, რომ ვიღაცა ამას აკეთებს და ეს იმიტომ დავუშვითო, რომ უდებენო, ის დაიჭირეთ, ვინც უდებს, შენ თუ 70 გრამი დამიწესე, 71-ს ჩაგიდებ, 100 დამიწესე, 101-საც ჩაგიდებ. შენ იმას მოსთხოვე პასუხი, ვინც დებს და პასუხისგებაში მიეცი ის კაცი. როგორიც არ უნდა იყოს, ჩვენი მოწოდება ყოველთვის იქნება, რომ ასეთი ხალხი, ვისაც ასეთი კანონები შემოაქვთ, არ აირჩიოთ, ქვეყნის სადავეები არ ჩავუგდოთ ხელში

    ამის შესახებ მამა დავით ქვლივიძემ ჟურნალისტებს პარლამენტში უთხრა, სადაც კანაფის მოხმარების შესახებ კანონპროექტის განხილვა მიმდინარეობს
    მამა დავითი ქვლივიძე: ნარკოტიკი ჩვენს ქვეყანას აქცევს საბრძოლო პოლიგონად
  • ჩვენ ვთანხმდებით იმაზე რომ საკონსტიტუციო სასამართლოს გადაწყვეტილება [მარიხუანის მოხმარების ლეგალიზებაზე] არის ანტისახელმწიფოებრივი, არასწორი და ფაქტობრივად ინსტიტუციონალურ დარტყმას აყენებს ქვეყნის სახელისუფლებო შტოების ფუნქციონირებას. იმიტომ რომ ორგანოს რომელსაც აქ საკანონმდებლო საქმიანობა ჩამოართვეს ამ გადაწყვეტილებით საკანონმდებლო საქმიანობის უფლება და მიიღეს ის გადაწყვეტილება, რომელიც არ შეიძლებოდა გამომდინარე ყოფილიყო იმ კონსტიტუციიდან, იმიტომ რომ ჩვენ ვართ იმ კონსტიტუციის ავტორები ჩვენ მივეცით იმ კონსტიტუციას ხმა და იმ ჩანაწერში არცერთი პარლამენტის წევრი არ ხედავს იმას რაც დაინახა საკონსტიტუციო სასამართლომ. ყოველ შემთხვევაში მე არ მომისმენია. 

    ქართული ოცნების დეპუტატი გედევან ფოფხაძე პარლამენტის იურიდიულ საკითხთა კომიტეტის სხდომაზე, მარიხუანის მოხმარების რეგულაციების განხილვისას. 
    ფოფხაძე მარიხუანაზე: ვთანხმდებით, საკონსტიტუციოს გადაწყვეტილება ანტისახელმწიფოებრივია
  • მოგესალმებით პატივცემულო კოლეგებო, დიდი პატივისცემით მივესალმები სასულიერო პირებს, პირველ რიგში, გამოვხატავ ჩემს დიდ პატივისცემას და მოკრძალებას, მინდა გითხრათ, რომ ვარ ეკლესიის მრევლი და მიყვარს უფალი ჩემი, ძალიან.

    რეალურად, რაზეც ახლა ჩვენ ვმსჯელობთ, კონკრეტულად ამ კანონის მიღების დროს მე სინდისი არ მქენჯნის, პირიქით, ვალდებულებად მიმაჩნია, რომ ამაზე ვიმსჯელოთ და გადაწყვეტილება მივიღოთ

    ქართული ოცნების დეპუტატი ვანო ზარდიაშვილი პარლამენტის იურიდიულ საკითხთა კომიტეტის სხდომაზე, მარიხუანის მოხმარების რეგულაციების განხილვისას.
    ზარდიაშვილი: მინდა გითხრათ, რომ ვარ ეკლესიის მრევლი და მიყვარს უფალი ჩემი, ძალიან
  • სალომე ზურაბიშვილი, პრეზიდენტად არჩევის შემთხვევაში, აპირებს ეკლესიას, მეუფეებს და სხვა საულიერო პირებს ასწავლოს ჭკუა და კონსტიტუცია.   

    მე, პრეზიდენტად არჩევის შემთხვევაში, ვაპირებ უხერხემლო და ფარისეველ თანამდებობის პირებს, რომლებიც პატრიარქთან კეკლუცობით პიარს იკეთებენ და მის კალთას ამოფარებულები პასუხისმგებლობას გაურბიან, განვუმარტო კონსტიტუციური წესრიგის და სახელმწიფოებრივი ცხოვრების ანა-ბანა.  

    მარიხუანას მოშენების თაობაზე მმართველი გუნდის უპრეცედენტო იდიოტიზმმა, რომლის საზოგადოებისთვის ახსნა-განმარტება მათმა კანდიდატმა თავად იკისრა, სრულიად ერი და ბერი გადარია. ხოლო კონსტიტუციაც, კონკორდატიც, სახელმწიფოც და ეკლესიაც ქალბატონი სალომეს ოცნებელმა თანაგუნდელებმა დააზიანეს, როდესაც ერთ დღეში ლომებიდან კურდღლებად ქცეულები საპატრიარქოს იატაკზე იტყავებდნენ მუხლებს და პირობას დებდნენ, რომ მარიხუანას კულტივირების შერჩეული მოდელი „სათნო იქნება ღვთისათვის“...

    ფაქტია, რომ სახელმწიფოსა და ეკლესიას შორის ურთიერთობა უკიდურესად არაჯანსაღია და ორივე ინსტიტუტს სერიოზული საფრთხით ემუქრება. მაგრამ ამგვარ ვითარებაზე პოლიტიკურად პასუხისმგებელი სახელმწიფოა. არაკვალიფიციური, უპასუხისმგებლო და ფარისეველი სახელმწიფო თანამდებობის პირების სინდისზეა დღეს ეკლესიაში და ეკლესიასა და სახელმწიფოს შორის არსებული პრობლემების უდიდესი უმრავლესობა. პოლიტიკოსებმა და სახელმწიფო თანამდებობის პირებმა უნდა შევწყვიტოთ საეკლესიო წრეების იმაზე წახალისება, რაც მერე აღარ მოგვწონს ხოლმე და ეკლესია როგორმე თავად მიხედავს საკუთარ პრობლემებს. ამიტომ, მომავალმა პრეზიდენტმა მეუფეებს კი არ უნდა უკითხოს საჯაროდ კონსტიტუცია და სახარება, არამედ პოლიტიკური თამაშებისგან უნდა გაათავისუფლოს ეკლესია და კანონი უნდა აქციოს სახელმწიფოში უზენაეს ძალად

    პრეზიდენტობის კანდიდატი დავით უსუფაშვილი ეკლესიისა და სახელმწიფოს ურთიერთობაზე.
    უსუფაშვილი: მომავალმა პრეზიდენტმა პოლიტიკური თამაშებისგან უნდა გაათავისუფლოს ეკლესია