ვერბატიმი

  • ეს არის ეკლესიისა და პატრიარქის საქმე. ეს არის უწმინდესისა და უნეტარესის გადაწყვეტილება და ჩვენ ბუნებრივია, უდიდეს პატივს ვცემთ ამ გადაწყვეტილებას.

    თქვა საქართველოს პარლამენტის თავმჯდომარემ, ირაკლი კობახიძემ, საქართველოს კათოლიკოს-პატრიარქის მესაყდრედ სენაკისა და ჩხოროწყუს მიტროპოლიტ შიო მუჯირის დასახელებაზე. წყარო ipn.
    კობახიძე: ჩვენ პატივს ვცემთ პატრიარქის გადაწყვეტილებას
  • გუშინ დიდი განსაცდელი გამოიარა საქართველომ, მაგრამ ღმერთი მფარველია ჩვენი. და ორივე მხარეს არის მსხვერპლი. ჩვენ განვიცადეთ ეს მწუხარება. ღმერთმა მშვიდობა მოგვცეს, ღმერთმა გვაშოროს შინაური და გარეული მტერი.

    საქართველოს პატრიარქი ილია მეორე ბერი გაბრიელ სალოსის ქუჩაზე ჩატარებულ სპეცოპერაციაზე.
    ილია II სპეცოპერაციაზე: ღმერთმა გვაშოროს შინაური და გარეული მტერი
  • მისმა უწმიდესობამ ისეთი დიდი პატივი მარგუნა წილად, რომ ვღელავ, რამეთუ ეს უდიდესი ჯვარია. მე იმედი მაქვს ღვთის მადლის, შეწევნის, წმინდა გიორგის მფარველობის და მისი უწმიდესის მამობრივი ხელმძღვანელობის და ლოცვა-კურთხევის. მე ნამდვილად, ჩემი თავი მიმაჩნია უღირსად ამ მსახურებისთვის... ეს არის განსაკუთრებული ვითარება. ჩვენს ისტორიაში მე ვერ ვიხსენებ ასეთ ვითარებას. უახლოეს მომავალში გამოჩნდება ვალდებულებები როგორი იქნება.

    ინტერპრესნიუსის ცნობით, სენაკისა და ჩხოროწყუს მიტროპოლიტი შიო მუჯირი პატრიარქის მოსაყდრეობაზე.
    მიტროპოლიტი შიო: ვღელავ, რამეთუ ეს უდიდესი ჯვარია, ჩემი თავი მიმაჩნია უღირსად
  • სპეცოპერაციის თემაზე ნიშნის მოგებით შეფასებები ან პოლიტიკური სპეკულაციები აბსოლუტურად დაუშვებელია. ხელისუფლებამაც თავი უნდა შეიკავოს იმისგან, რომ ეს ოპოზიციასთან კინკლაობის თემად გახადოს და ოპოზიციამაც პასუხისმგებლობა უნდა გამოვიჩინოთ, რომ ქულების დაწერაზე ორიენტირებულები არ ვიყოთ. არსებობს ძალიან ლეგიტიმური და საჭირო კითხვები, რომელთაც პასუხი უნდა გაეცეს. სათანადო შეფასებების გასაკეთებლად ფაქტები არ ვიცით: რა ტიპის საფრთხესთან გვაქვს საქმე, რა ტიპის ჯგუფი იყო, როგორ შემოვიდა ეს ჯგუფი და სამომავლოდ რამე საფრთხე ხომ არ არის. საქმის რაღაც ნაწილი, უსაფრთხოებიდან გამომდინარე, შეიძლება საჯარო ვერ გახდეს, მაგრამ ახლა, ამ დონეზე არსებული ინფორმაცია არ არის დამაკმაყოფილებელი, არც საზოგადოებისთვის და არც ქვეყნისთვის. 

    ევროპული საქართველოს წევრი, ელენე ხოშტარია ბერი გაბრიელ სალოსის ქუჩაზე ჩატარებული ოპერაციის შესახებ. 
    ხოშტარია: სპეცოპერაციის თემაზე პოლიტიკური სპეცკულაციები აბსოლუტურად დაუშვებელია
  • წაიღო ეკლესია რუსეთის აგენტებმა. ყველაფერი რუსეთის დაკვეთით ხდება.

    ასე არქიმანდრიტი ბართლომე ფირცხალაიშვილი პატრიარქის მოსაყდრედ შიო მუჯირის დასახელებას ეხმაურება. სენაკისა და ჩხოროწყუს მიტროპოლიტი, ქორეპისკოპოსი შიო მუჯირი თანამოსაყდრედ ​კათალიკოს-პატრიარქმა ილია მეორემ დღეს დილით, ქადაგებისას დაასახელა. 
    არქიმანდრიტი ბართლომე ფირცხალაშვილი: წაიღო ეკლესია რუსეთის აგენტებმა
  • კითხვები უნდა დაისვას, კითხვები არსებობს, ეს არ არის პოლიტიკოსების მოგონილი კითხვები, ეს არის რეალური კითხვები, მათ შორის ვინაობაზე ამ ტერორისტების თუ ესენი ტერორისტები იყვნენ. რას აპირებდნენ, იარაღი როგორ გაჩნდა იქ, ეს არის ლეგიტიმური კითხვები.

    ევროპული საქართველოს წევრი სერგი კაპანაძე ისანში ჩატარებული სპეცოპერაციის შესახებ. არ არის გამორიცხული კითხვებზე პასუხის გასაცემად უმცირესობამ პარლამენტში ძალოვან უწყების პირველი პირებიც დაიბაროს.
    კაპანაძე სპეცოპერაციაზე: არსებობს ლეგიტიმური კითხვები და უნდა დაისვას
  • მთელი დღის განმავლობაში მე და ჩემი გუნდის წარმომადგენლები ვიყავით მაქსიმალურად თავშეკავებულნი, არ ვაკეთებდით კომენტარებს. ინფორმაციის არარსებობის პირობებში სპეკულირება, როგორც წესი, საზიანოა ხოლმე. მინდა გავიხსენო მსგავსი ტიპის ადრე ჩატარებული ოპერაციები, მაგალითად ლაფანყური - ოპერაციის დაწყებიდან რამდენიმე საათში გაკეთდა პოლიტიკური შეფასებები, მათ შორის ისეთი სამარცხვინო შეფასებები, რომ თურმე ის ადამიანები იყვნენ ქართული ოცნების მხარდამჭერები და ამიტომ გაწირეს, რომ რაღაცის გადასაფარად ატარებდნენ ამ ოპერაციას.

    ამის ფონზე პრემიერმინისტრმა აქეთ ჭკუა დაგვარიგა, მოგვიწოდა, რომ შეფასებები არ გავაკეთოთ. მანამდე ვნახეთ ბატონი სოზარ სუბარის უსამარცხვინოესი გამოსვლა, რომელმაც ერთ კონტექსტში მოაქცია პოლიტიკური შეფასებები, წინა მთავრობა, ვერ გაიგებდი რაზე იყო საუბარი, ერთადერთი სახეზე ეწერა, რომ პოლიტიკური ქულა უნდა დაეწერა ამ ტრაგედიიდან. ეს ძალიან ცუდია, როგორც ჩანს, ქართულმა ოცნებამ ვერ ისწავლა.

    ტერორიზმთან თამაში არის ქვეყნის ეროვნული ინტერესებისთვის საზიანო. ძალიან კარგად მახსოვს, 2013 წელს, რამდენიმე თვე იყო ლაფანყურის სპეცოპერაციიდან, ბოსტონის მარათონის ტერაქტების ფონზე, როცა მთელი მსოფლიო ამას უყურებდა, იმავე დღეებში საქართველოს მაშინდელი პრემიერი, ბატონი ივანიშვილი გამოდიოდა და ამბობდა, თურმე წინა ხელისუფლება, საქართველო თურმე იყო შეკრული ტერორისტებთან - ასეთი დიდი ზიანი კარგა ხანია არ მიუღია ქვეყნის რეპუტაციას.

    როცა ტერორიზმზეა საუბარი, ასეთი შეფასებები არის ყოველთვის დამაზიანებელი და ვერცერთი პოლიტიკური ძალა ამაზე ქულებს ვერ ჩაიწერს, ის, რაც ვნახეთ - პრემიერის განცხადება (უფრო რბილი) და სოზარ სუბარის, იყო აბსოლუტურად სამარცხვინო.

    ევროპული საქართველოს დეპუტატმა გაბრიელ სალოსის ქუჩაზე ჩატარებული სპეცოპერაციის შესახებ გადაცემა არჩევნში ისაუბრა.
    კაპანაძე: ტერორიზმზე ასეთი შეფასებებით ვერც ერთი პოლიტიკური ძალა ქულებს ვერ ჩაიწერს
  • მინდა ყველას მოვუწოდო (პოლიტიკოსები თუ სხვადასხვა ექსპერტებს), რომ ასეთ სიტუაციებში არ არის გამართლებული სპეკულაციები. უნდა იყოს რაღაც მომენტი, როცა ყველანი ერთად დავდგებით. რა თქმა უნდა, შეკითხვები შეიძლება დაისვას და არსებობს ინსტიტუციური ფორმატები, რომლებშიც ასეთი ტიპის შეკითხვებს პასუხი გაეცემა, მაგრამ არ შეიძლება ამ დონის საჯაროობით ასეთი ტიპის ოპერაციების დეტალებზე საუბარი.

    ასევე მინდა გავცე პასუხი იმ სპეკულაციებს, რომ დიდ ხანს გაგრძელდა და ა.შ. რა თქმა უნდა, შესაძლებელია სხვადასხვაგვარად მოქმედება, მაგრამ მთავარი პრიორიტეტი იყო მოსახლეობის უსაფრთხოების დაცვა, ყველაფერი გაკეთდა, რომ ამ მიმართულებით მსხვერპლი არ ყოფილიყო და ეს ჩენი სპეცრაზმის თანამშრომლებმა შეძლეს. გვინახავს სხვა ტიპის სპეცოპერაციები სხვა ქვეყნებში, სადაც შენობებს ანგრევენ და ასეთ შედეგზე არიან ორენტირებული, ჩვენ სხვა სტილი, სხვა ხელწერა გვაქვს. მინდა მადლობა გადავუხადო ყველას, ვინც თავისი სიცოცხლის ფასად მოიტანა ეს შედეგი, რაც გვაქვს.

    „ქალაქის ცენტრში აღმოაჩინეს და როგორ აღმოჩდნენ“ - ასეთი შეკითხვებიც გაისმა. რა თქმა უნდა, ისინი დღეს არ აღმოჩენილან, წინასწარი იმფორმაციები არსებობდა და ის, რომ აქ აღმოჩინეს, არის ამ წინასწარი მუშაობის შედეგი.

    ვისაც არ ეზარება, ყველა გახდა ამ საქმის ექსპერტი და კარგად მცოდნე, მგონია, რომ ასეთ სიტუაციებში ცოტა მეტად ღირსეულად უნდა მოვიქცეთ.

    მინდა ყველას მოვუწოდო (პოლიტიკოსები თუ სხვადასხვა ექსპერტებს), რომ ასეთ სიტუაციებში არ არის გამართლებული სპეკულაციები. უნდა იყოს რაღაც მომენტი, როცა ყველანი ერთად დავდგებით. რა თქმა უნდა, შეკითხვები შეიძლება დაისვას და არსებობს ინსტიტუციური ფორმატები, რომლებშიც ასეთი ტიპის შეკითხვებს პასუხი გაეცემა...
    კვირიკაშვილი: ყველა გახდა ამ საქმის ექსპერტი, ცოტა მეტად ღირსეულად უნდა მოვიქცეთ
  • ქალაქში გადაადგილება არის უსაფრთხო. არანაირი საფუძველი, რომ რაიმე შიში არსებობდეს უსაფრთხოებასთან მიმართებაში, არ არსებობს. ჩვენმა გმირმა ბიჭებმა შეძლეს ის, რომ გაანეიტრალეს ის საფრთხე, რომელიც შეიძლებოდა, რომ ძალიან ცუდი შედეგით დასრულებულიყო.

    გიორგი კვირიკაშვილმა ბერი გაბრიელ სალოსის ქუჩაზე მრავალსაათიანი სპეცოპერაციის დროს დაჭრილები მოინახულა.
    პრემიერი: ქალაქში გადაადგილება უსაფრთხოა, შიშის საფუძველი არ არსებობს
  • მივმართავ იმ ადამიანებს, რომელთაც საცხოვრებელი ფართის პრობლემა აქვს, მიმართოს ისნის გამგეობას, მიმართოს თბილისის მერიას ცხელ ხაზზე - საგანგებო რეჟიმში ვმუშაობთ, ყველა ადამიანი იქნება დაკმაყოფილებული საცხოვრებელი ფართით.

    თბილისის მერი ბერი გაბრიელ სალოსის ქუჩაზე იმყოფებოდა, სადაც მრავალსაათიანი სპეცოპერაცია ჩატარდა
    კალაძე სპეცოპერაციის შედეგებზე: ყველა ადამიანი დაკმაყოფილდება საცხოვრებელი ფართით
  • დაიმედებული უნდა ვიყოთ, რომ ეს სპეცოპერაცია ჩატარდება წარმატებით და არცერთი მხრიდან მას მსხვერპლი არ მოჰყვება, ეს არის მთავარი, ყველა ადამიანი არის ცოდო.

    ისნის მაჟორიტარი დეპუტატი ბექა ნაცვლიშვილი ამბობს მიმდინარე ანტიტერორისტულ ოპერაციაზე.
    ნაცვლიშვილი: იმედია არცერთი მხრიდან არ იქნება მსხვერპლი, ყველა ადამიანი არის ცოდო
  • დეკანოზი გიორგის შეწყალების თხოვნით არავის არ მოუმართავს. რომ მომმართონ მაშინ საქმეს განვიხილავ და მაშინ მოგახსენებთ, ასე წინასწარ ხო არ ვიტყვი. მამალაძის საქმე ცალკე მთელი თემაა, ერთი წელიწადია გაუგებრობის კორიანტელში ვართ ყველანი, დაწყებული პირველი განცხადებებიდან, შემდეგ ამ პროცესის დახურვა და რა თქმა უნდა, მე სასამართალოზე კომენტარს არ გავაკეთებ, მაგრამ ამ პროცესის დახურვა ცალკე, ის რამდენი გამოდიოდა და არ ვამბობ სასამართლოზე, რამდენად პიარულად დაუბალანსებელი იყო ამ თემაზე ინფორმაციის მოწოდება. იმიტომ რომ ძალიან ხმამაღალი განცხადებები კეთდებოდა, ძალიან მაღალი პოლიტიკური ტრიბუნებიდან და მეორე მხარე იყო თურმე შეზღუდული იმაში, რომ პიარულად ადამიანის უფლება დაეცვა, მე არ ვამბობ სასამართლოზე. 

    გიორგი მარგველაშვილმა ე.წ ციანიდის საქმეზე "ტვ პირველის" ეთერში ისაუბრა.
    გიორგი მარგველაშვილი: დეკანოზი გიორგის შეწყალების თხოვნით არავის მოუმართავს
  • რის საფუძველზე უნდა შევიწყალო ვანო მერაბიშვილი? მე დღეს საფუძველი ვანო მერაბიშვილის შეწყალების არ მაქვს. ადამიანი როდესაც ზის ციხეში ყოველთვის რთულია ნებისმიერი რამის თქმა, თუნდაც იმის თქმა რომ მე არ შეგიწყალებ, რაც არ უნდა პოლიტიკური თემა იყოს. მე საფუძველს რომ შევიწყალო ვანო მერაბიშვილი დღეს ვერ ვხედავ.  

    ადამიანის უფლებათა ევროპული სასამართლოს დიდი პალატა ვანო მერაბიშვილის საქმეზე გადაწყვეტილებას 28 ნოემბერს, 11:30-ზე გამოაცხადებს. ამისშესახებ გიორგი მაგველაშვილმა "ტვ პირველის" ეთერში ისაუბრა.
    გიორგი მარგველაშვილი: ვანო მერაბიშვილის შეწყალების საფუძველი დღეს არ მაქვს
  • გარდაცვლილია ბატონი კახა და კონკრეტულად პიროვნებას არ გავარჩევ, უნივერსიტეტზე ვისაუბრებ. იყო დარღვევა, რომელიც ძირითადში მდგომარეობდა სტუდენტებთან დადებული კონტრაქტის სამართლებლივად გაუმართაობაში. აქ იყო საუბარი რაზე, რომ სტუნდეტი ხდებოდა ვალდებული ფინანსურ თემაზე, ძირითადი თემა ეს იყო. ბუნებრივია მაშინ სისუსტე, პიარული სისუსტე კიდევ უფრო მეტად გვქონდა. ძალიან კარგად აიწია მაშინ ეს თემა ჩემს წინააღმდეგ. პიარულად წავაგე ეს თემა, ერთადერთი ადამიანი ვინც მაშინ მე პოლიტიკურად გვერდში დამიდგა და მხარი დამიჭირა იყო ივანიშვილი, მან არ გამწირა. დანარჩენი ახლა პოლიტიკური პიარის თვალსაზრისით ძალიან სუსტი იყო. თუ არის დარღვევა, მნიშვნელობა არ აქვს რომელი ძლიერი პოლიტიკოსის მფარველობის ქვეშ არის, თუ არის დარღვევა მნიშვნელობა არ აქვს რომელი მედია უმაგრებს ზურგს და შენ, რამდენად პიარულად სუსტად ჩანხარ. სადაც არის დარღვევა, ბოლოს მაინც გამოვასწორებინე და ის სტუდენტებთან კონტრაქტი, რომელიც იყო კაბალური გამოსწორდა. 

    გიორგი მარგველაშვილმა, მისი განათლების მინისტრობის პერიოდში აგრარული უნივრსიტეტისთვის აკრედიტაციის ჩამორთმევის შესახებ "ტვ პირველის" ეთერში ისაუბრა.
    მარგველაშვილი აგრარულზე: თუ არის დარღვევა, უმნიშვნელოა ვისი მფარველობის ქვეშ ხარ
  • კარგი რამეც მოხდა, კომბლესთან მეომარი ვაშლიბერტყია მოაცილეს განათლების სამინისტროს და სტატუსშეჩერებული სტუდენტი, რომელიც იყო განათლების მინისტრი, არ დაინიშნა რომელიმე ქვეყანაში ელჩად. გადავრჩით, ეს უფრო დიდი სირცხვილი იქნებოდა. ამ ორ კარგ ამბავს ვულოცავ ჩვენს ტელემაყურებელს. 

    ასე თსუ-ს ყოფილმა რექტორმა, ლადო პაპავამ განათლების მინისტრის პოსტიდან ალექსანდრე ჯეჯელავას გათავისუფლება შეაფასა. მან მთავრობაში საკადრო და სტრუქტურული ცვლილებების შესახებ პალიტრანიუსის გადაცემაში "360 გრადუსი" ისაუბრა. 
    პავავა: კარგია, რომ კომბლესთან მეომარი ვაშლიბერტყია მოაცილეს სამინისტროს
  • უჩა ნანუაშვილო! ბოკერია ჩაგიდეს
    ახლა "ქართულ მარშის" რეაქცია ნახე!!!

    ნანუაშვილო! გულწრფელად მეცოდები!

    ქართული მარშის საორგანიზაციო ჯგუფის წევრების საყურადღებოდ!
    - ხვალ 21 ნოემბერს 18 საათზე ვიკრიბებით ოფისში - თათბირი! 
    - დაინტერესებულ ჟურნალისტთა საყურადღებოდ: 21 ნოემბერს 20:00 საათზე ოფისში საგანგებო ბრიფინგი!
    - ხვალ საზოგადოებისათვის გახდება ცნობილი ბევრი საინტერესო ნიუანსი! მეტს ვერაფერს გეტყვით!

    ეს განცხადებები ქსენოფობიური და ჰომოფობიური ჯგუფის, ე.წ ქართული მარშის წევრმა, ლადო სადღობელაშვილიმა ფეისბუქზე გამოაქვეყნა. ის გიგა ბოკერიასთვის ტოლერანტობის ჯილდოს გადაცემას გამოეხმაურა და სახალხო დამცველს დაემუქრა. ტოლერანტობის ჯილდოს სწორედ სახალხო დამცველთან არსებული რელიგიური საბჭო გასცემს. 
    სადღობელაშვილი: უჩა ნანუაშვილო! ბოკერია ჩაგიდეს? ახლა ქართულ მარშის რეაქცია ნახე!
  • არ მეშინია საქართველოში წასვლის. მაგრამ არ მსურს პუტინს საჩუქარი გავუკეთო. თუ საქართველოში გამაგზავნიან, გარანტიას გაძლევთ, რომ ძალიან მალე თავისუფალი ვიქნები და უფრო მეტიც, პოროშენკო ამას ინანებს. ეს კარგად მოეხსენება როგორც საქართველოს, ასევე უკრაინის ხელისუფლებას. საქართველოს მთავრობა ძლიერი რომ ყოფილიყო და შეძლებოდა ჩემი ციხეში გამომწყვდევა, ამას უკვე იზამდნენ. მე საქართველოში მოსახლეობის, სამართალდამცველების და არმიის უმრავლესობა ჩემს გუნდს უჭერს მხარს. ვერანაირი ოლიგარქი მე იქ ციხეში ვერ გამომამწყვდევს. ეს არის მათი მთავარი დილემა.

    თქვა მიხეილ სააკაშვილმა დღეს გამართულ ბრიფინგზე ინტერპრესნიუსის ცნობით. 
    სააკაშვილი: არ მსურს, საქართველოში ჩასვლით პუტინს საჩუქარი გავუკეთო
  • ეს საბჭოს გადაწყვეტილებაა. სხვა დროსაც ყოფილა, რომ არ გამიზიარებია. მათი გადაწყვეტილებაა და ჩარევის უფლება არ მაქვს. ჩემი პირადი აზრი არა მგონია, ვინმესთვის საინტერესო იყოს. მე ვცადე შერჩევის პროცესი დამეხვეწა, რომ გამორიცხულიყო არაობიექტურობა და წინა წლებში ნაწილობრივ გამომივიდა. ჩემი აზრით, კრიტერიუმები უნდა იყოს მკაფიო, პროცესი გამჭვირვალე და ამ პროცესში არ უნდა იყოს კითხვის ნიშნები. მით უმეტეს, ერთ-ერთ კრიტერიუმი ისიც იყო, რომ კანდიდატის განსაკუთრებული დამსახურება მიმდინარე წელს უნდა ყოფილიყო და აქ ყველას თავისი აზრი შეიძლება ჰქონდეს. მე დავუსვი ეგ კითხვა ბექას [მინდიაშვილს] და, როგორც ვიცი, ძველ საქმეებზეა საუბარი. მიმდინარე წელს ტოლერანტობის კულტურის განვითარებაში რომ რაიმე განსაკუთრებული შეეტანოს, მე პირადად, ვერ დავინახე.

    სახალხო დამცველი უჩა ნანუაშვილი ევროპული საქართველოს ერთერთი ლიდერის, გიგა ბოკერიასთვის "ტოლერანტობის ქომაგის" ჯილდოს გადაცემის შესახებ. კომნეტარს ლიბერალი ავრცელებს.
    ნანუაშვილი ბოკერიაზე: წელს ტოლერანტობის განვითარებაში რაიმე შეეტანოს, ვერ დავინახე
  • მთლიანობაში სპორტის სასახლის მიმდებარე ტერიტორიაზე, სიტუაცია ძალიან მძიმეა. მეც და ბევრ მოქალაქესაც არ მოგვწონს ის შენობა-ნაგებობები, საცხოვრებელი კორპუსები, რომლებიც აშენებულია, მაგრამ ეს ხომ არ ნიშნავს, რომ ჩვენ მივიდეთ, დავანგრიოთ და ხალხი გარეთ გამოვიყვანოთ?! ეს არის კერძო საკუთრება. სამწუხაროდ, რაც აშენდა და გაკეთდა, იმას ვერაფერს ვუზამთ, მაგრამ მომავალში მშენებლობები და ნებართვების გაცემა რადიკალურად განსხვავებული იქნება ყველა მიმართულებით.

    თბილისის მერი კახა კალაძე ინტერპრესნიუსთან საუბარში.
    კალაძე: რაც აშენდა, ვერაფერს ვუზამთ, მომავალში მშენებლობები განსხვავებული იქნება
  • მარტივი არ ყოფილა. ყველა სატელევიზიო ეთერის, მათ შორის, რუსული BBC-ის მთავარი გმირი ვიყავი. სტრესული იყო, კრიტიკის საგნად ვიქეცი. ასეთი ზიზღი და სიძულვილი აქამდე არ მიგრძვნია, მე ყოველთვის ხალხის ფავორიტი ვიყავი, მაგრამ ახლა მონეტის სხვა მხარე დავინახე, სრულიად სხვა სამყაროში აღმოვჩნდი. მხარს ვუჭერ თავისუფალ ცხოვრებას. მზად ვარ. მხარდაჭერა კრიტიკაზე მეტი იყო, თუმცა, უარყოფითი წერილები ძალიან მოქმედებდა. როგორც ფეხბურთში: მწვრთნელის ცხრა კომპლიმენტი კარგია, მაგრამ ერთი კრიტიკა განსაზღვრავს თქვენს განწყობას

    გურამ კაშია ჰოლანდიურ voetbalprimeur.nl-თან ინტერვიუში
    კაშია: არასდროს მიგრძვნია ასეთი ზიზღი და სიძულვილი, მხარს ვუჭერ თავისუფალ ცხოვრებას
  • ამერიკის შეერთებული შტატები, ჩვენი მთავრობა მხარს უჭერს სახალხო დამცველის ინსტიტუტს და ბატონ უჩა ნანუაშვილს, რადგანაც მიგვაჩნია, რომ ეს არის უმნიშვნელოვანესი ნაწილი დემოკრატიისა. მთავრობას, ხელისუფლებას აქვს გარკვეული უფლებები, თუმცა იმისათვის, რომ მოხდეს მათი ანგარიშვალდებულება და ასევე არსებობდეს პირდაპირი დიალოგი მოქალაქეებსა და მთავრობას შორის, მოქალაქეებისა და პრობლემების მთავრობამდე მიტანა, ამაში სახალხო დამცველი დიდ როლს თამაშობს. შესაბამისად, ვინც არ უნდა შეცვალოს ბატონი უჩა ნანუაშვილი, ჩვენ იმედი გვაქვს, რომ სახალხო დამცველი დამოუკიდებელი იქნება და გააგრძელებს ამ საქმიანობას.

    აშშ-ის ელჩი იან კელი სახალხო დამცველის შესახებ (რუსთავი 2-ის თარგმანი). ცნობისთვის, ე.წ ციანიდის საქმეზე გამოქვეყნებული ანგარიშის შემდეგ, უჩა ნანუაშვილი ხელისუფლების წარმომადგენლებმა გააკრიტიკეს. იუსტიციის მინისტრმა მას ქვეყნის ისტორიაში ყველაზე უსამართლო ომბუდსმენი უწოდა.
    კელი: აშშ მხარს უჭერს სახალხო დამცველის ინსტიტუტს და ბატონ უჩა ნანუაშვილს
  • გამოწვევები გვექნება კერძო საკუთრებასა და გარემოს დაცვის საკითხებს შორის, არავის უნდა ჰქონდეს მოლოდინი, რომ ჩვენ ჯადოსნურ ჯოხს დავიკავებთ და ერთი ხელის მოსმით არც ერთი ხე არ მოიჭრება. გპირდებით, რომ მაქსიმალურად შევეცდებით საკომპენსაციო ფონდები, რომელიც აპრობირებულია მსოფლიოში და ასოცირების ხელშეკრულება ითვალისწინებს, სამართლებრივი ბაზის წესრიგში მოყვანაზე მივმართოთ. თითოეული მოჭრილი ხიდან, რომელიც გადარგვას არ ექვემდებარება, ამოღებული თანხა მიემართება სწორედ კომპენსაციის და შემარბილებელი ღონისძიებების განსახორციელებლად.

    ინტერპრესნიუსის ცნობით, თბილისის მერის მოქმედი და გარემოს დაცვის მინისტრის ყოფილი მოადგილე მაია ბითაძე.
    ბითაძე: არ უნდა ეგონოთ, რომ ჯადოსნურ ჯოხს დავიკავებთ და არც ერთი ხე არ მოიჭრება
  • უარვყოფ, რომ ვარ ჰომოფობი, ფაშისტი, მოძალადე, ვერც ერთ ფაქტს ვერავინ მომიყვანს, რომ მე ვინმეზე ვიძალადე ჩემი ცხოვრების მანძილზე, ან ფიზიკური შეურაცხყოფა მიმეყენებინოს ვინმესთვის.

    განაცხადა თბილისის მერიის უსაფრთხოების საქალაქო სამსახურის უფროსმა ნუგზარ ჭონქაძემ. წყარო ipn. ნუგზარ ჭონქაძის მერიაში თანამდებობაზე დანიშვნა საკრებულოს ოპოზიციამ ორი დღის წინ გააპროტესტა. მათ თქვეს, რომ ჭონქაძე ზონდერია და განსაკუთრებული აგრესიულობით, ჰომოფობიური და ქსენოფობიური განცხადებებით...
    ნუგზარ ჭონქაძე: უარვყოფ, რომ ვარ ჰომოფობი, ფაშისტი, მოძალადე
  • რაც შეეხება [შოთა შალელაშვილის] საპასუხო განცხადებას [თეა წულუკიანის მიმართ], მე ვფიქრობ, ეს განცხადება არ იყო კორექტული. როცა საუბარია გუნდის წევრებს შორის აზრთა სხვადასხვაობაზე, მე ვფიქრობ, ეს აზრთა სხვადასხვაობა ჯერ გუნდის შიგნით უნდა გაირკვეს, და ამის შემდეგ უნდა გაკეთდეს გარე განცხადებები.

    პარლამენტის თავმჯდომარემ ირაკლი კობახიძემ ქართული ოცნების დეპუტატის შოთა შალელაშვილის განცხადება შეაფასა. შალელაშვილმა თეა წულუკიანის კრიტიკას ომბუდსმენის მისამართით - უპასუხისმგებლო უწოდა.
    კობახიძე შოთა შალელაშვილზე: აზრთა სხვადასხვაობა ჯერ გუნდის შიგნით უნდა გაირკვეს
  • თეა წულუკიანს აქვს იმის მორალური უფლება, რომ შეაფასოს სახალხო დამცველის საქმიანობა. მე მოვუსმინე მისი შეფასება. ის საუბრობდა იმაზე, რომ სახალხო დამცველი არის ყველაზე უსამართლო სახალხო დამცველი ჩვენი ისტორიის მანძილზე. ეს არის მისი შეფასება და ამის მორალური უფლება და ზოგადად უფლება იუსტიციის მინისტრს, რა თქმა უნდა, აქვს. 

    რაც შეეხება [შოთა შალელაშვილის] საპასუხო განცხადებას, მე ვფიქრობ, ეს განცხადება არ იყო კორექტული. როცა საუბარია გუნდის წევრებს შორის აზრთა სხვადასხვაობაზე, მე ვფიქრობ, ეს აზრთა სხვადასხვაობა ჯერ გუნდის შიგნით უნდა გაირკვეს, და ამის შემდეგ უნდა გაკეთდეს გარე განცხადებები.

    პარლამენტის თავმჯდომარე ირაკლი კობახიძე იუსტიციის მინისტრის განცხადებაზე, რომლის მიხედვითაც, უჩა ნანუაშვილი ყველაზე უსამართლო ომბუდსმენია. კობახიძემ ამასთან დაკავშირებით ქართული ოცნების დეპუტატის შოთა შალელაშვილის განცხადებაც შეაფასა, რომელმაც თქვა, რომ წულუკიანი უპასუხისმგებლოდ მოიქცა.
    კობახიძე: წულუკიანს აქვს მორალური უფლება, რომ ომბუდსმენის საქმიანობა შეაფასოს
  • ჩვენი კოლეგის განცხადება იუსტიციის მინისტრის, თეა წულუკიანის მიმართ არაკორექტულია. თეა წულუკიანი წლების განმავლობაში ემსახურებოდა ადამიანის უფლებების დაცვის რთულ საქმეს, იბრძოდა უსამართლობის წინააღმდეგ და იუსტიციის მინისტრის რანგში მის საქმიანობას წარმატებულად ვაფასებთ: მისი უშუალო ლიდერობით არაერთი მიმართულებით დაიხვეწა კანონმდებლობა, განვითარდა საჯარო სერვისების დაფარვა და ხარისხი, წარმატებით შესრულდა ვიზა-ლიბერალიზაციის ფარგლებში დაგეგმილი რეფორმები.

    საპარლამენტო უმრავლესობის ლიდერი არჩილ თალაკვაძე ქართული ოცნების დეპუტატის შოთა შალელაშვილის განცხადებაზე. ცნობისთვის, შალელაშვილმის შეფასებით, იუსტიციის მინისტრმა თეა წულუკიანმა ომბუდსმენის შესახებ უპასუხისმგებლო განცხადება გააკეთა. თეა წულუკიანმა უჩა ნანუაშვილს საქართველოს ისტორიაში ყველაზე...
    თალაკვაძე: შოთა შალელაშვილის განცხადება თეა წულუკიანის მიმართ არაკორექტულია
  • ცოტა გაუგებარია, რატომ უნდა მივიდე საკრებულოში. მე ვარ ხალხის მიერ არჩეული და შესაბამისად, უფლებამოსილებას უკვე შევუდექი, რაც შეეხება ქალაქის მთავრობას, კანონის შესაბამისად ვიმოქმედე, გადავუგზავნე საკრებულოს, დღეს იმსჯელებენ და ალბათ, იქნება მიღებული გადაწყვეტილება, დამტკიცდება და ორშაბათიდან ჩვენ შევუდგებით მუშაობას.

    მერი კახა კალაძე ოპოზიციის კრიტიკის შესახებ, რომ თბილისის მერი საკრებულოში დედაქალაქის მთავრობის ახალ წევრებს თავად არ წარადგენს.
    კალაძე: ცოტა გაუგებარია, რატომ უნდა მივიდე საკრებულოში
  • მე არ ვიცნობ ამ პიროვნებას, მაგრამ ვიცნობ კახა კალაძეს და ვენდობი კახა კალაძეს. კახა არის თბილისის არჩეული მერი და მისი პრეროგატივაა კადრების დაკომპლექტება. რადგან მან ჩათვალა, რომ ეს ადამიანი უნდა იყოს გარკვეულ სამსახურში, ე.ი. მას იმედი აქვს, რომ ამ ადამიანს აქვს უნარი, გარდა იმ გამონათქვამებისა რასაც წერდა. დავიცადოთ და საქმემ გამოაჩინოს და არა მოცალეობის ჟამს სოციალურ ქსელში დაწერილმა თუნდაც უხერხულმა მოსაზრებებმა. ერთია, როცა ადამიანი ჩადგება სამსახურში, რას გააკეთებს, თუ პარალელურად გააგრძელებს იგივე რეჟიმს, მაშინ შეგვიძლია უკვე დასკვნები გამოვიტანოთ.

    ინტერპრესნიუსის ცნობით, ქართული ოცნების დეპუტატი ნუკრი ქანთარია უსაფრთხოების საქალაქო სამსახურის უფროსად წარდგენილ ნიკოლოზ (ნუგზარ) ჭონქაძეზე, რომელიც წლების განმავლობაში, სულიკო კედელაშვილის ფსევდონიმით Facebook-ში ჰომოფობიურ და ქსენოფობიურ, უცენზურო პოსტებს წერდა.
    ქანთარია ჭონქაძეზე: საქმემ გამოაჩინოს და არა Fb-ში დაწერილმა უხერხულმა მოსაზრებებმა
  • ჩვენი მოთხოვნა არ უნდა იყოს, რომ შენ უნდა აჯობო სკანდალურ რომელიმე არხს. ამ თვალსაზრისით მის ხარისხს და მხატვრულობას და მნიშვნელობას უნდა მივაქციოთ ყურადღება. სერიალების თვალსაზრისით, ჩვენ არ უნდა შევუკვეთოთ მას მოგვაწოდე ის სერიალი, რომელიც იქნება სიდედრი და მისი სამეზობლო, ან დაქალი და რაღაცა, რომელსაც შეიძლება ჰქონდეს ფართო საზოგადოებაში დიდი ინტერესი.

    პირიქით, თუ ისინი სერიალებს გააკეთებენ, უნდა იყოს ჩვენს კლასიკაზე, ჩვენს ლიტერატურაზე. რასაც აკეთებს BBC, მთელი შექსპირის ქრონიკები ფაქტიურად მოაქცია და ძალიან საინტერესო, რასაც აკეთებს რუსული არხი, როდესაც ის იღებს დოსტოევსკის, ტოლსტოის და საკმაოდ კარგად. ნუ შეგვეშინდება ამის თქმა, რუსული არხი და რაღაც...

    საკმაოდ კარგად და ნიჭიერად იღებენ ისინი ამ სერიალებს და ასევე დოკუმენტურ ფილმებსაც, რომლებიც მათ ისტორიას ასახავს და ის ფაქტიურად მარცვალს აგდებს თავის ერში იმისას, რაც უნდათ ამ შემთხვევაში - მთავრი არის, რა თქმა უნდა მათი, რომ ის იყო იმპერია, რომ პური შეიძლება არ გამოაცხონ, მაგრამ ტანკი უნდა გააკეთონ. ეს არის მათი იდეა, ისინი ამას ძალიან მხატვრულად და ნიჭიერად აკეთებენ.

    ჩვენ ეს გვჭირდება და ეს არ არის ამ ტელევიზიაში. ამას სჭირდება როგორც გვეუბნებიან სწორედ თანხები.

    პარლამენტის წევრი "ქართული ოცნებიდან", ნუკრი ქანთარია მაუწყებლობის შესახებ კანონში დაგეგმილი ცვლილებების პარლამენტში განხილვისას.
    ქანთარია: საზმაუმ სერიალები უნდა გააკეთოს ისე, როგორც BBC და რუსული არხი აკეთებს
  • ჩვენს ეპარქიას და საქართველოს საზღვრებს ხანდახან შემოვიფრენთ ხოლმე ხატებით და საზღვრებს ვაკურთხებთ. ადრე პატრიარქის კურთხევა იყო, რომ ყოველთვე თუ ვერ მოვახერხებთ, სამ თვეში ერთხელ მაინც ვაკურთხოთ. ამით საქართველოს ვიცავთ. ომიანობის პერიოდში, ასე, ხატები შემოატარეს მოსკოვს და მტერი ვერ შევიდა

    მიტროპოლიტმა სერგი ჩეკურიშვილმა ეს Reginfo.ge-ს უთხრა. სასულიერო პირებმა სკოლები დალოცეს და ვერტმფრენიდან კანფეტები გადმოყარეს. კახეთში, სახელმწიფოს კუთვნილი ვერტმფრენიდან მოსწავლეების კურთხევის გამო, სასაზღვრო პოლიციის მაღალჩინოსანს უფლებამოსილება შეუწყდა. როგორც ტაბულას შინაგან საქმეთა...
    მიტროპოლიტი სერგი: ომიანობისას ხატები შემოატარეს მოსკოვს და მტერი ვერ შევიდა