სოფელ დიღომში არის ძალიან ბევრი ინფრასტრუქტურული პრობლემა. მე ვცხოვრობ სოფელ დიღომში და ამ თემაზე ბატონ მერთან დათო ნარმანიასთან არა მხოლოდ ბევრჯერ გვისაუბრია, არამედ ბევრჯერ გვიჩხუბია კიდეც. იმიტომ რომ სოფელი დიღომი მიშამ შეუერთა თბილისს და თუ ჩვენ ვართ თბილისის ნაწილი, კეთილი უნდა ინებოს თბილისის მერმა და მიხედოს სოფელ დიღომს. იქ იგება გზები, დღესაც გადათხრილია ცენტრალური გზა და პროექტები არის რამდენიმე. ამჟამად მიმდინარეობს გზის გაჭრა, რომელიც ნაციონალების დროს არ არსებობდა იმიტომ, რომ ნაციონალებმა სოფელი დიღომი შეერთეს თბილისს, მაგრამ არ აინტერესებდათ იქ ინფრასტრუქტურა, მიმდინარეობს გზის გაჭრა თბილისის საქალაქო სასამართლომდე, მაგრამ მიმდინარეობს ნელი ტემპით. ამიტომაც, მე მოვუწოდებ თბილისის მერიას, რომ უფრო მეტად დაინტერესდეს სოფელ დიღმით და ის რამდენიმეკილომეტრიანი გზა, რაც დაიგო (მართალია, სანიაღვრეების გარეშე, ჩვენდა სამწუხაროდ და ამით ვართ უკმაყოფილო), უკვე ძალიან მალე დასრულდება და ჩავა თბილისის საქალაქო სასამართლომდე. ასევე ცენტრალური გზა, სადაც არის გადათხრილი უკვე რამდენიმე დღეა და სანამ ყინვას დაიჭერს, უნდა დასრულდეს. ბევრი პრობლემა გვაქვს, ამიტომ, მე როგორც რიგით მოქალაქეს, მცხოვრებს სოფელ დიღომში, მაქვს ბევრი პრეტენზია თბილისის მერთან და მერიასთან.
tbl.ge/7pq
დაკოპირდა
იუსტიციის მინისტრი თეა წულუკიანი.
ამავე თემაზე
- ხაზარაძის თქმით, მერიამ თბილისში იუვენტუსის აკადემიის გახსნის ნებართვა არ გასცა
- ავტოავარია აღმაშენებლის ხეივანში - შეფერხებულია საზოგადოებრივი ტრანსპორტის მოძრაობაც
- წერეთლის გამზირზე სარეაბილიტაციო სამუშაოები დასრულებულია – კალაძე
- კალაძე: რასაკვირველია, ივანიშვილმა ნაკრებს გამარჯვება მიულოცა, კობიაშვილს დაურეკა
- წერეთლის გამზირზე, შალიკაშვილის ხიდის მიმდებარედ მოძრაობის სქემა შეიცვალა