კობახიძე: მეღიმება რა... ვფიქრობ, პრეზიდენტს აქვს გამოძიებისთვის სათქმელი

მეღიმება რა, მართლა მეღიმება. პრეზიდენტები და მაღალი პოლიტიკური პასუხისმგებლობის მქონე პირები ასე არ იქცევიან - ყურში ჩურჩულით და რაღაც ზეპირი ინფორმაციის მიწოდებით არ უნდა კმაყოფილდებოდნენ, თუ მაღალი თანამდებობის პირები კორუფციულ ორგანიზებულ დანაშაულს ჩადიოდნენ. მათ შორის ადამიანი, რომელიც არაერთგზის ასრულებს პარლამენტის თავმჯდომარის მოვალეობას, თქვენი მონა-მორჩილი, თუ ჩართული იყო კორუფციულ გარიგებაში და ეს პრეზიდენტმა იცოდა და ამაზე რეაგირება ვერ მოახდინა, და ფაქტია ვერ მოახდინა, შედეგი არ არის და ეს ადამიანი თუ ისევ აგრძელებს კორუფციულ საქმიანობას და პრეზიდენტი ვერ რეაგირებს, ეს ძალიან სირცხვილია, ქვეყნის და ამ ინსტიტუტის სირცხვილია. აუცილებლად, ბატონმა გიორგიმ უნდა ბრძანოს, რა ინფორმაცია ჰქონდა, მაგრამ უკვე ძალიან მეცინება. მე ვფიქრობ, თავად პრეზიდენტი უნდა იყოს დაინტერესებული, რომ ეს საკითხი გაირკვეს, მე ვფიქრობ, პრეზიდენტს აქვს რაღაც სათქმელი გამოძიებისთვის.