'ალტერნატიული გაზის წყარო დივერსიფიკაციისთვის გვჭირდება' არის სულელური არგუმენტი და, აი რატომ: დივერსიფიკაციის ცნება ფართო მოხმარებაში ინვესტიციების მართვის მეცნიერებიდან შემოვიდა. აზრი (მარტივად) შემდეგია: იმის მაგივრად რომ მთელი ფული ერთ ფინანსურ ინსტრუმენტში (ვთქვათ აქციაში) ჩადო, როგორც წესი ჯობია ორ ან რამდენიმე ინსტრუმენტში გაანაწილო. ეს წესი მუშაობს თუ გაქვს ვთქვათ ორი ინსტრუმენტი, რომელთაგან ერთი უფრო რისკიანია (მაგრამ მაღალი მოგება უნდა მოიტანოს) და მეორე ნაკლებ-რისკიანია (თუმცა უფრო დაბალი მოსალოდნელი მოგება მოაქვს). ფინანსურ ბაზრებზე არსებული ლოგიკით, ჩვეულებრივ, უფრო მაღალი რისკის ინვესტიციები უფრო მაღალ მოგებას იძლევა. თუ ფულს ამ ორ ინსტრუმენტს შორის გაანაწილებ მაშინ შენ შეძლებ რისკი უფრო სწრაფად შეამცირო ვიდრე მოგება ან მოგება უფრო სწრაფად გაზარდო ვიდრე რისკი. ესაა დივერსიფიკაციის ხეირი.მაგრამ უფრო მაღალ-რისკიანი და დაბალი მომგებიანობის ინსტრუმენტის დამატებით შენს საინვესტიციო პორტფელში დივერსიფიკაციის ხეირს ვერანაირად ვერ მიიღებ - პორტფელის რისკიც გაგეზრდება და მომგებიანობაც დაიწევს. სულელი უნდა იყო ეს რომ გააკეთო (ან მავნებელი) უფრო იაფი (მომგებიანი) და საიმედო (დაბალი რისკის) აზერბაიჯანული გაზის ჩანაცვლება უფრო ძვირი (წამგებიანი) და სახიფათო (მაღალი რისკის) რუსული გაზით დივერსიფიკაციას ვერ მოგვიტანს. სამაგიეროდ მოგვიტანს კრემლზე გაზრდილ დამოკიდებულებას. ანუ ეკონომიკურადაც და პოლიტიკურადაც ვაგებთ. ამას კალაძე ვერ გაიგებს, მაგრამ არა უშავს - ჩემს სტუდენტებს ესმით. არა გაზპრომს!
tbl.ge/dt4
დაკოპირდა
წერს აგრარული უნივერსიტეტის ბიზნესსკოლისა და ESM-ის დეკანი გიგა ბედინეიშვილი საკუთარ Facebook-ზე
ამავე თემაზე
- გაზპრომი უნგრეთსა და ჩინეთს ბუნებრივ აირს დამატებით მიაწვდის
- გაზპრომი ბუნებრივი აირის წარმოებაში რეკორდული კოლაფსის წინაშეა
- გაზპრომი ბოლო ორი წლის მანძილზე მეთანის ყველაზე მსხვილ გაჟონვაზეა პასუხისმგებელი
- 2020 წელს გაზპრომის მოგება თითქმის 9-ჯერ შემცირდა
- ეკონომიკის მინისტრი გაზპრომზე: კონკურენცია არის კარგი